Biełarusi zapasaŭ torfu chopić na 70 hadoŭ, raskazaŭ BiełTA ministr pryrodnych resursaŭ i achovy navakolnaha asiarodździa Andrej Chudyk.
Pavodle słoŭ ministra, raźviedanyja zapasy karysnych vykapniaŭ dajuć mahčymaść zabiaśpiečyć syravinaj usie bujnyja hornazdabyvajučyja pradpryjemstvy Biełarusi pry ich rabocie na poŭnuju vytvorčuju mahutnaść.
«Pry ciapierašnich abjomach zdabyčy pramysłovymi zapasami kalijnych i kamiennaj solej, dałamitu, hlin, piasku, Biełaruś zabiaśpiečanaja bolš jak na 100 hadoŭ. Zapasaŭ torfu chopić na 70 hadoŭ, a zapasaŭ padziemnych vod, budaŭničaha kamieniu i trepiełu — bolš jak na 50 hadoŭ. Akramia taho, dziakujučy pastajannaj rabocie hieołahaŭ, zapasy karysnych vykapniaŭ u nas štohod papaŭniajucca», — padkreśliŭ Andrej Chudyk.
Jon dadaŭ, što ŭ 2018-2020 hadach vyjaŭlenaje i papiarednie raźviedanaje radovišča Navadvorskaje ŭ Pinskim rajonie z novym dla Biełarusi vidam karysnych vykapniaŭ — bazaltami i tufami. Hety vid syraviny moža być vykarystany dla vytvorčaści bazaltavych vałoknaŭ, armirujučych materyjałaŭ i vyrabaŭ, bazaltavych supiertonkich vałoknaŭ i inšych vyrabaŭ u metach poŭnaha impartazamiaščeńnia.
Ciapier čytajuć
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia35
Kamientary