Kancler Niamieččyny daŭ svoj prahnoz u dačynieńni da vajny va Ukrainie.
«Racija — ja ŭ hetym pierakanany — nie pieramoža ŭ hetaj vajnie. Biaźlitasnyja ataki na žyćciova važnuju infrastrukturu, na vodapravody i enierhietyčnyja abjekty, na ŭkrainskija harady i vioski — heta žudasnaja i ŭ toj ža čas adčajnaja stratehija vypalenaj ziamli», — zajaviŭ Ołaf Šolc.
Takuju zajavu dla zvyčajna strymanaha ŭ svaich acenkach kanclera možna ličyć precedentam, bo da hetaha jon tolki aściarožna kazaŭ pra toje, što Rasija «nie pavinna» pieramahčy.
Palitołahi ličać, što viasnoj Šolc niedaacaniŭ situacyju, vykazaŭšy zdahadku, što kanflikt pamiž Rasijaj i Ukrainaj nie budzie zaciažnym. Vierahodna, mienavita tamu Hiermanija nie śpiašałasia z vajennaj dapamohaj.
Raniej na hetym tydni Šolc pryhraziŭ, što zroblenaje nie sydzie z ruk. Pavodle jaho słoŭ, nivodny ahresar nie pavinien sumniavacca ŭ tym, što Hiermanija poŭnaja rašučaści abaraniać kožnaha sajuźnika i kožny santymietr terytoryi aljansu «ŭsimi najaŭnymi srodkami».
Ciapier čytajuć
Što Babaryka i Kaleśnikava adkazali na pytańni pra vajnu85
Kamientary