Hramadstva11

«Zaviaščaŭ pachavać tut». Dzie lažać biełaruskija dobraachvotniki, jakija zahinuli za Ukrainu?

Nie mienš za 14 biełarusaŭ zahinuli, zmahajučysia za Ukrainu, z pačatku vajny. Dzie jany pachavanyja? Čamu ich astanki niemahčyma pryvieźci ŭ Biełaruś, vyśviatłała Deutsche Welle.

«Illu, pa jaho žadańni, kremiravali. Prach ciapier znachodzicca ŭ mianie, kali skončycca vajna, baćki muža chacieli b zabrać jaho i pachavać na siamiejnych mohiłkach. Choć ja viedaju, što Illa chacieŭ by, kab jaho prach raźviejali, ale žadańnie baćkoŭ taksama važnaje», — kaža Karyna, žonka 27-hadovaha biełaruskaha dobraachvotnika Illi Chrenava (pazyŭny «Litvin»). 3 sakavika ŭ bai za Buču Illa atrymaŭ ranieńni, niesumiaščalnyja z žyćciom.

«Mnohija bajcy chočuć, kab u vypadku hibieli ich kremiravali»

U bataljonie «Teror» (vyjšaŭ sa składu pałka imia Kastusia Kalinoŭskaha) kožny bajec pry ŭstupleńni paviedamlaje, z kim źviazacca ŭ vypadku ranieńnia abo hibieli. Kali jość pažadańni, jakija tyčacca pracedury pachavańnia, to ich taksama pakazvajuć.

Illa Chrenaŭ («Litvin») z žonkaj Karynaj, fota z archiva

«Mnohija ŭ vypadku śmierci chacieli b, kab ich kremiravali, a prach raźviejali abo pieradali rodnym, kali tyja znachodziacca ŭ Jeŭropie, — raskazali pradstaŭniki bataljona DW. — Chtości kateharyčna suprać kremacyi, i tak jak dla ludziej heta važna, my starajemsia vykanać ich volu. U našaha apošniaha zahinułaha niaviesta ź Vińnickaj vobłaści, jaho pachavali tam».

Va Ukrainie byŭ pachavany i bajec biełaruskaha pałka «Pahonia». Pachavańnie zahinułaha, jakoha ŭ telehram-kanale pałka nazyvajuć «Žniacom», prajšło 2 kastryčnika ŭ horadzie Talnoje (Čarkaskaja vobłaść). «Tut zaviaščaŭ pachavać siabie naš bajavy siabar «Žniec». Mienavita tut pachavany jaho pabracim, ź jakim jany abaraniali niezaležnaść Ukrainy ŭ 2016 hodzie», — paviedamlaje «Pahonia».

Alaksiej Skobla («Tur») z žonkaj Irynaj, fota z archiva

Iryna, žonka 31-hadovaha Alaksieja Skobli (pazyŭny «Tur») taksama pryznajecca, što chacieła pachavać cieła muža va Ukrainie, ale daviedałasia ad jaho tavaryšaŭ pa słužbie, što Alaksiej u vypadku hibieli zaviaščaŭ siabie kremiravać. U svaju čarhu, jaho baćki paprasili pieradać prach syna im, kab pachavać u Biełarusi. «My damovilisia sustrecca ŭ Polščy. Ciažka było samoj sabrać usie nieabchodnyja dakumienty (dla transparciroŭki skryni). U Lvovie mnie dapamoh mužčyna, jaki zajmajecca mižnarodnymi rytualnymi pasłuhami», — dadaje Iryna. Alaksiej Skobla vajavaŭ u padraździaleńni sił śpiecyjalnych apieracyj USU, zahinuŭ 13 sakavika ŭ bai pad Kijevam.

Prach zahinułych niemahčyma pieradać u Biełaruś

«Zahinułyja, u jakich jość siemji va Ukrainie, byli pachavanyja tut. Kali rodnyja ŭ Biełarusi ci krainach ES, to jany čaściej za ŭsio prosiać pravieści kremacyju. My zajmajemsia ŭsimi arhanizacyjnymi pytańniami», — raspaviali ŭ pres-słužbie biełaruskaha pałka imia Kastusia Kalinoŭskaha.

Vasil Parfiankoŭ («Siabro») z žonkaj Alenaj i dziećmi, fota z archiva

Sa słoŭ surazmoŭcaŭ, kali svajaki zahinułaha žyvuć u ES, pieradać im prach mahčyma — połk praz ambasadu afarmlaje dazvoł na vyvaz skryni, a voś siemji ŭ Biełarusi vymušanyja pakidać skryni na zachoŭvańnie ŭ krematoryi. «Čałavieka, jaki budzie jaje vieźci, mohuć zatrymać «za saŭdzieł», tamu što my ŭ Biełarusi ličymsia ekstremistami, terarystami, zdradnikami Radzimy. Prach pakidajuć na zachoŭvańnie da taho času, pakul Biełaruś nie stanie svabodnaj, i možna budzie pachavać svaich blizkich u rodnaj ziamli», — kažuć u pałku.

Taksama ŭ pres-słužbie adznačajuć, što praź pieraśled, jakim u Biełarusi padviarhajucca svajaki dobraachvotnikaŭ, połk nie nazyvaje imiony apošnich zahinułych. «Jašče ŭ nas čaćviora bajcoŭ, čyje cieły my nie zmahli zabrać, tamu što tam dahetul prachodzić linija frontu», — dadajuć pradstaŭniki pałka.

«Nie viedaju, kali zmahu pachavać muža»

«Ja nie viedaju, kali zmahu pachavać muža. Jaho cieła zastałosia na akupavanaj terytoryi. Ja zrabiła DNK-test našamu dziciaci, kab u dalejšym možna było pravieści paraŭnańnie z DNK reštkaŭ zahinułych. Apaznać cieła, bajusia, budzie niemahčyma», — kaža Alena Hierhiel, žonka bajca Vasila Parfiankova (pazyŭny «Siabro»). Vierahodna, jon zahinuŭ 26 červienia ŭ bai pad Lisičanskam.

Alena adznačaje, što z-za vialikaj kolkaści zapytaŭ, jak ad vajskoŭcaŭ, tak i ad cyvilnaha nasielnictva, testy apracoŭvajucca nie mienš troch miesiacaŭ z momantu ŭziaćcia materyjału.

Žančyna kaža, što pakul nie viedaje, dzie pachavaje muža. «U nas u rajonie jość mohiłki z Alejaj Hierojaŭ — učastkam, na jakim chavajuć vajskoŭcaŭ z 2014 hoda, ale ciapier jon praktyčna zaniaty, i kožny dzień tam źjaŭlajucca novyja mahiły, — dzielicca Alena. — Ja viedaju, što Vasil chacieŭ by być siarod svaich — na Lasnych mohiłkach Kijeva. Tam šmat jaho pabracimaŭ. Ale pakul zastajecca tolki čakać».

U Biełarusi rodnyja Vasila Parfiankova nieadnarazova padviarhalisia cisku ŭładaŭ, u ich prachodzili pieratrusy, ich zatrymlivali i prymušali zdymacca ŭ tak zvanych «pakajannych» videa. U krasaviku ŭ praŭładnych telehram-kanałach źjaviłasia videa z mamaj bajca. Siłaviki prymusili žančynu skazać na kamieru, što jana pahardžaje synam. Niekalki razoŭ zatrymlivali stryječnaha brata Parfiankova Siarhieja Bandarenku. Paśla čarhovaha dopytu ŭ HUBAZiK Siarhiej trapiŭ u balnicu. Adtul mužčynu ŭdałosia źbiehčy i vyjechać u Polšču.

Kamientary1

  • Dim Dimyč
    10.11.2022
    Red,vy by łučšie napisali čto tam s vypłatami sieḿjam pohibšich.
    A im samim užie vsie ravno .

Ciapier čytajuć

Što stała pryčynaj śmierci troch rabotnikaŭ «Biełarusnafty» padčas ramontu na trasie

Što stała pryčynaj śmierci troch rabotnikaŭ «Biełarusnafty» padčas ramontu na trasie

Usie naviny →
Usie naviny

Ceny na šakaład ździŭlajuć12

Navumčyk pra niezaležnaść Biełarusi: Pucin nie zdolny mabilizavać nivodnaha biełarusa na vajnu — nacyjanalnyja aŭtanomii Rasii nie majuć i hetaha29

Muzykanty vydalajuć svaju muzyku sa Spotify, bo jon spansaruje kampaniju, jakaja vyrablaje tysiačy dronaŭ dla Ukrainy26

«Heta svojeasablivaje partniorstva». Tramp zaklučyŭ ździełku, pa jakoj krainy Jeŭropy abaviazany płacić taryf 15%8

U Hiermanii syšoŭ z rejek pasažyrski ciahnik. Jość zahinułyja1

Praz Soniečnuju sistemu lacić abjekt, pavodziny jakoha nahadvajuć kiravany kaśmičny karabiel18

Rasijski dron atakavaŭ rejsavy aŭtobus u Sumskaj vobłaści. Jość achviary3

U Biełarusi sioleta niama čarnic. Kali letaś narychtoŭščyki pryniali dziasiatki ton jahad, to sioleta — ničoha4

Fłarencyju nazvali najlepšym horadam Jeŭropy dla turyzmu2

bolš čytanych navin
bolš łajkanych navin

Što stała pryčynaj śmierci troch rabotnikaŭ «Biełarusnafty» padčas ramontu na trasie

Što stała pryčynaj śmierci troch rabotnikaŭ «Biełarusnafty» padčas ramontu na trasie

Hałoŭnaje
Usie naviny →

Zaŭvaha:

 

 

 

 

Zakryć Paviedamić