Urad zaćvierdziŭ novuju sistemu rehulavańnia cen — jak na biełaruskaje, tak i na impart
Urad Biełarusi zaćvierdziŭ novuju sistemu rehulavańnia cen. Pra padpisańnie adpaviednaj pastanovy paviedamili ŭ pres-słužbie Saŭmina.
Novaja sistema zakranie ŭsie tavary — jak ajčynnyja, tak i impartnyja.
Vytvorcaŭ abaviažuć uzhadniać pavyšeńnie adpusknych cen ź dziaržorhanami, abłvykankamami i Minskim harvykankamam.
Imparcioraŭ i handal — ustaloŭvać hraničnyja maksimalnyja nadbaŭki biez zaležnaści ad kolkaści pasrednikaŭ, jakija ŭdzielničajuć u pracesie.
Ceny na reštki tavaru treba pryvieści ŭ adpaviednaść z patrabavańniami pastanovy na praciahu 5 pracoŭnych dzion.
Abmiažoŭvajucca bartarnyja pahadnieńni — ich taksama abaviazali ŭzhadniać ź dziaržorhanami.
Zabaraniajucca bonusy i inšyja ŭznaharodžańni pa prasoŭvańni tavaraŭ u handli dla ajčynnaj pradukcyi.
Dziaržorhany nadzielenyja dadatkovymi paŭnamoctvami pa kantroli za vykanańniem zakanadaŭstva ab cenach i cenaŭtvareńni.
Raniej dyrektyvaj № 10 «Ab niedapuščalnaści rostu cen» Alaksandr Łukašenka zabaraniŭ pavyšeńnie cen i zahadaŭ uradu da 20 kastryčnika zaćvierdzić novy paradak ich rehulavańnia na padstavie prapanoŭ kamisii pad kiraŭnictvam staršyni Savieta Respubliki Natalli Kačanavaj.
Da hetaha ŭ Biełarusi dziejničała sistema rehulavańnia cen, jakaja praduhledžvała abmiežavańni na pamier štomiesiačnaha rostu cen šerahu tavaraŭ, u pieršuju čarhu sacyjalna značnych. Akramia taho, byli abmiežavanyja pamiery handlovych nadbavak, nadbavak imparciora, a taksama rentabielnaść vytvorcaŭ.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary