Adnajmiennyja telehram-kanał i staronku ŭ Fejsbuku Kryścina Drobyš, Kaciaryna Vadanosava i Maryja Hryc pazicyjanujuć jak «biaśpiečnuju prastoru, dzie žančyny dzielacca historyjami pra svoj balučy dośvied i dapamahajuć adna adnoj».
«Treba pahavaryć» — heta najpierš videaprahrama, «tok-šou ab siońniašnich katastrofach i jak vyjści ź ich žyvymi». U pieršym vypusku viadučyja Kaciaryna Vadanosava, Maryja Hryc i Kryścina Drobyš raskazvajuć, jak jany sprabujuć pieraadoleć ciažkaści, ź jakimi sutyknułasia bolšaść biełarusaŭ paśla 2020 hoda.
Prahrama vychodzić na telekanale «Biełsat».
Taksama ŭ telehram-kanale prajekta i na staroncy ŭ Fejsbuku žančyny źviartajucca da svaich hladačak i čytačak (a mahčyma, hledačoŭ i čytačoŭ):
«Vitajem vas u našaj biaśpiečnaj prastory i zaprašajem vas da jaje dałučycca. My tut usie źbirajemsia z-za taho, što ŭ kožnaj z nas jość balučy dośvied i chopić usio heta trymać u sabie. Treba pahavaryć.
Viadziom hetuju staronku my ŭtroch: Kaciaryna Vadanosava, Kryścina Drobyš i Maryja Hryc — žančyny, maci, aktyvistki. Bližej my z vami paznajomimsia ŭ nastupnych pastach.
Taksama my budziem zaprašać siudy ŭ hości ekśpiertaŭ z roznych śfier: psichołahaŭ, sacyjołahaŭ, jurystaŭ, miedykaŭ, seksołahaŭ i h. d. Kab vy adsiul mahli vyniaści nia tolki refleksiju, ale i karysnyja viedy.
Karaciej kažučy, na hetaj staroncy my budziem abmiarkoŭvać svaje traŭmy i raźbirać historyi, jakija vy budziecie nam dasyłać. I razam my budziem šukać varyjanty vyjście z kryzisnych situacyj.
Jany, vierahodna, nie buduć idealna pasavać dla ŭsich, ale my raspaviadziem, što ratuje nas zaraz i chacia by na siekundu».
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała8
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2626
Kamientary