Аднайменныя тэлеграм-канал і старонку ў Фэйсбуку Крысціна Дробыш, Кацярына Ваданосава і Марыя Грыц пазіцыянуюць як «бяспечную прастору, дзе жанчыны дзеляцца гісторыямі пра свой балючы досвед і дапамагаюць адна адной».
«Трэба пагаварыць» — гэта найперш відэапраграма, «ток-шоу аб сённяшніх катастрофах і як выйсці з іх жывымі». У першым выпуску вядучыя Кацярына Ваданосава, Марыя Грыц і Крысціна Дробыш расказваюць, як яны спрабуюць пераадолець цяжкасці, з якімі сутыкнулася большасць беларусаў пасля 2020 года.
Праграма выходзіць на тэлеканале «Белсат».
Таксама ў тэлеграм-канале праекта і на старонцы ў Фэйсбуку жанчыны звяртаюцца да сваіх глядачак і чытачак (а магчыма, гледачоў і чытачоў):
«Вітаем вас у нашай бяспечнай прасторы і запрашаем вас да яе далучыцца. Мы тут усе збіраемся з-за таго, што ў кожнай з нас ёсць балючы досвед і хопіць усё гэта трымаць у сабе. Трэба пагаварыць.
Вядзём гэтую старонку мы ўтрох: Кацярына Ваданосава, Крысціна Дробыш і Марыя Грыц — жанчыны, маці, актывісткі. Бліжэй мы з вамі пазнаёмімся ў наступных пастах.
Таксама мы будзем запрашаць сюды ў госці экспертаў з розных сфер: псіхолагаў, сацыёлагаў, юрыстаў, медыкаў, сэксолагаў і г. д. Каб вы адсюль маглі вынясці ня толькі рэфлексію, але і карысныя веды.
Карацей кажучы, на гэтай старонцы мы будзем абмяркоўваць свае траўмы і разбіраць гісторыі, якія вы будзеце нам дасылаць. І разам мы будзем шукаць варыянты выйсце з крызісных сітуацый.
Яны, верагодна, не будуць ідэальна пасаваць для ўсіх, але мы распавядзем, што ратуе нас зараз і хаця бы на секунду».
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары