Apafieoz manieŭraŭ «Zachad-2009» — kontrudar pa umoŭnym praciŭniku — maje na mecie prarvacca na dapamohu «błakadnamu Kalininhradu», a zatym i avałodać bałtyjskim płacdarmam. Piša ŭ svaim błohu na NN Alaksandr Kłaskoŭski.
Manieŭry «Zachad-2009» zaviaršylisia 29 vieraśnia «paśpiachovym razhromam umoŭnaha praciŭnika». Za hetym virtualnym tryumfam razam sa starejšym i małodšym Łukašenkami naziraŭ rasijski prezident.
«Dyk što, tanki NATO na Maskvu nie prajšli?» — zapytaŭsia ja ŭ vajskovaha analityka Alaksandra Alesina. «Jašče bolej, — u ton adkazaŭ toj. — Našy tanki pajšli na Bałtyju».
Ekśpiert nahadaŭ: rasijskija stratehi nazyvajuć Biełaruś «piatloj na šyi Prybałtyki». Hetyja maštabnyja vajskovyja hulni madelujuć hipatetyčny kanflikt z NATO. Na dumku Alesina,
apafieoz manieŭraŭ — kontrudar pa umoŭnym praciŭniku — zhodna sa scenarom maje na mecie prarvacca na dapamohu «błakadnamu Kalininhradu», a zatym i avałodać bałtyjskim płacdarmam (kudy inačaj zachodni praciŭnik moh by pierakinuć svaje siły).
Nie vypadkova ž Miadźviedzieŭ dniom raniej naziraŭ za vysadkaj marskoha desantu ŭ Kalininhradskaj vobłaści. Tam jon padkreśliŭ: našy manieŭry — vyklučna abarončyja. Ale ŭ Vilni, Ryzie, Talinie, Varšavie razumiejuć miesidž Kramla: kali što — mała nie zdasca.
Kaniečnie, heta ŭsio — tolki bajavyja stojki, psichałahičnaje ŭździejańnie. U tym liku i samazaspakajeńnie rasijskich elit: jość porach u parachaŭnicach!
«Na samaj spravie tak daŭno nie vajujuć. Rasijskija vojski nietaropka pryjazdžali pa čyhuncy až z 9 vieraśnia. Heta mnie nahadvaje pieršuju suśvietnuju, kali ciahniki z sałdatami tydniami išli ź Sibiry na front, — kaža Alesin. — Zaraz takija kantynhienty byli b źniščanyja kryłatymi rakietami, nie paśpieŭšy pahruzicca. Tak što ciapierašnija manieŭry — heta najpierš palityčnyja zachady».
Zastajecca pytańnie, jakija pierniki hatova dać Maskva za demanstracyju «braterstva pa zbroi». Jana naŭrad ci rasščodrycca. Pa-pieršaje, Minsk jašče nie padpisaŭ damovu pra KSAR. Pa-druhoje, u paradku dnia vosieńskaj siesii Pałaty pradstaŭnikoŭ Abchazija z Paŭdniovaj Asiecijaj pakul što nie fihurujuć.
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos25
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5353
Kamientary