U Vilni prachodzić kanfierencyja «Novaja Biełaruś», Łatuška i Prakopjeŭ patrabujuć stvareńnia ŭrada ANŁAJN
Kanfierencyja «Novaja Biełaruś», prymierkavanaja da druhoj hadaviny z dnia vybaraŭ-2020, prachodzić u Vilni. Jana sabrała lidaraŭ hramadzianskaj supolnaści i ruchu za svabodnyja vybary. Pačałasia jana z vystupu Śviatłany Cichanoŭskaj.
Anłajn-tranślacyju možna hladzieć tut. Svoj anłajn na sajcie viadzie i «Naša Niva».
Sustreča pravodzicca ŭ farmacie kanfierencyi, a nie kanhresu, a značyć nie płanujecca hałasavańnia pa dakumientach ci rašeńniach. Razam z tym, śpikiery kožnaj z panelaŭ, čakajecca, vyjduć z supolnym bačańniem pa stratehičnych pryjarytetach, tranzitnym pieryjadzie, reformie demakratyčnych siłaŭ, dapamozie hramadzianskaj supolnaści. Heta mohuć być peŭnyja dakumienty ci płany dalejšych dziejańniaŭ.
Čakajecca, što z Kanfierencyi pačniecca pierafarmatavańnie Kaardynacyjnaj rady i stvareńnie Abjadnanaha pierachodnaha kabinietu, u jaki ŭvojduć pradstaŭniki roznych strukturaŭ.
Ofis Cichanoŭskaj padkreślivaje, što asnoŭnymi metami demakratyčnych siłaŭ zastajucca nastupnyja piać:
- adchilić nielehitymny režym ad ułady,
- vyzvalić i reabilitavać usich źniavolenych pa palityčnych matyvach,
- abaranić niezaležnaść i vyvieści z krainy zamiežnyja vojski,
- pravieści sumlennyja vybary,
- naładzić u krainie demakratyčnyja instytuty.
Udzieł voźmuć zaŭvažnyja pradstaŭniki biełaruskaha hramadstva z roznych sacyjalnych hrup i roznych pohladaŭ. Zaprašeńni na ŭdzieł atrymali 48 ekśpiertaŭ, 45 pradstaŭnikoŭ biznesu, 128 pradstaŭnikoŭ hramadskaha siektaru, 49 pradstaŭnikoŭ miedyjasupolnaści (u tym liku błohiery), 25 byłych palitviaźniaŭ ci siemji ciapierašnich palityčnych viaźniaŭ, 59 pradstaŭnikoŭ palityčnych strukturaŭ. 153 zajaŭki pryjšło z formy svabodnaj rehistracyi. Udzieł u kanfierencyi paćvierdzili 321 čałaviek i 51 pradstaŭnik ŚMI.
Arhanizatary kanfierencyi — 18 čałaviek. Heta pradstaŭniki Ofisa Cichanoŭskaj, NAU, Kaardynacyjnaj rady, «Sumlennych ludziej», ruchu «Supraciŭ», Bypol, palityčnych partyj i ekśpiertnaj supolnaści, u tym liku: Pavieł Łatuška, Dźmitryj Ščyhielski, Alaksandr Dabravolski, Alaksandr Azaraŭ, Valery Mackievič, Alena Žyvahłod, Volha Kavalkova, Uładzimir Astapienka i inšyja. Usie imiony nie raskryvajucca ŭ tym liku z pryčyn biaśpieki.
Prahrama mierapryjemstva — pa spasyłcy. Pačatak a 12-j.
Ciapier čytajuć
«U kapciuroch HPU». Stahodździe niebiaśpiečnaj naiŭnaści i daremnych maraŭ biełaruskaj emihracyi7
Kamientary
Pačatak a 12-j.
mahli b i nie kazać. my aščucili. a 12-j u nas prapaŭ śviet. ludzi zhubili pracu. ranišniuju. u tym liku i ja. pajšła z hora kavy papić. i tam śvietu niama. pryjšłosia brać mors. i tam paŭzmrok. i cišynia... jak apaśla apakalipsisu. adzin mužčyna skazaŭ - takaja cišynia, što čuvać, jak jasi... paśla jaho słoŭ starałasia siorbać svoj vendžany mors cišej)
ale kali b byŭ śviet, to nie pakaštavała b vendžany mors. a jon prykolny