U Forumie, jaki prachodzić 11-12 lipienia, akramia biełaruskich palityčnych dziejačaŭ, takich jak Valeryj i Vieranika Capkały, Volha Karač, Jarasłaŭ Ramančuk, Ihar Makar, vystupiać i rasijskija ekanamisty Viačasłaŭ Inaziemcaŭ i Siarhiej Huryjeŭ i palitołah Stanisłaŭ Białkoŭski, paviedamlaje «Radyjo Svaboda».
Arhanizatary II Forumu demakratyčnych sił Biełarusi adznačyli, što svoj udzieł u mierapryjemstvie paćvierdzili 120 čałaviek.
Zaprošanyja palityki, pradstaŭniki hramadzianskaj supolnaści, navuki, biznesu, ekśpiertnaj supolnaści, dyjaspary, niezaležna ad hramadzianstva, palityčnych pohladaŭ, relihijnych pierakanańniaŭ, sacyjalnaha statusu. Taksama zaprašeńni nakiravali niamieckim i jeŭrapiejskim palitykam, pradstaŭnikam niamieckich biznes-asacyjacyj i kampanij.
Pavodle raskładu forumu, u prahramie praduhledžanyja adkrytyja dyskusii pa pytańniach palityčnych źniavolenych, sankcyj, padtrymcy miedyja i hramadzianskaj supolnaści.
Buduć taksama pradstaŭlenyja prapanovy pracoŭnych hrup pieršaha Forumu demakratyčnych sił, jaki prajšoŭ u Varšavie 16-17 traŭnia.
Nazirać za pracaj forumu možna anłajn.
Milicyja schavała hałoŭnaje — mahiloŭski mańjak-lifcior užo siadzieŭ za zhvałtavańnie. Ale jaho nie pravieryli na datyčnaść da zabojstvaŭ3
Kamientary
A kali surjozna, usie hetyja pasiadziełki nijakaha dačynieńnia nie majuć da nas, da krainy. Łukašenka ŭsio i ŭsich zakataŭ u asfalt, pieramoh usich. Ničoha jaho nie kłapocić, Umka pa stałach valajecca, kasmanaŭt pobač kupajecca, usio ŭ jaho cudoŭna. Praz dva hady padpiša ŭvachod u skład rasiei, i jak chacieŭ, budzie da svajho skonu žyć u rasiei