Alaksandr Łukašenka na sustrečy ź ministram zamiežnych spraŭ RF Siarhiejem Łaŭrovym paŭtaryŭ svaje słovy, što abmiežavańnie tranzitu ŭ Kalininhradskuju vobłaść raŭnaznačna abviaščeńniu vajny.
«U hetym vy možacie nie sumniavacca. Ja dumaju, prezident Rasiei taksama ŭ hetym absalutna pierakanany, — zajaviŭ Alaksandr Łukašenka. — Ja kaliści skazaŭ. Dumaju, Vy padtrymajcie hetuju ideju. Upeŭnieny, što padtrymajcie. Što my nie nastolki durnyja, kab kahości inkarparavać, jak na Zachadzie kažuć, ci ŭklučać u skład nie toje Biełarusi Rasiju, nie to Rasii Biełaruś. My dosyć razumnyja, kab dźvie niezaležnyja dziaržavy mahli vybudavać takuju kanstrukcyju našych adnosin, što pazajzdrościać ŭ śviecie i inšyja. My da hetaha idziem, ruchajemsia»
«Užo abviaścili ekanamičnuju vajnu. Što takoje tranzit začynić? I ŭsie kryčać pra niejki Suvałkski kalidor. Słuchajcie, my z vami ab hetym nie kažam, a jany kryčać. Jany što, namiakajuć?» — cytuje Alaksandra Łukašenku BiełTA.
Suvałkaŭski kalidor — učastak terytoryi Litvy i Polščy, raźmieščany pamiž Biełaruśsiu i Kalininhradskaj vobłaściu. Jaho šyrynia składaje kala 100 km. Praź jaho prachodziać suchaputnyja šlachi pamiž krainami Bałtyi i astatniaj častkaj ES.
Łukašenka ŭ razmovie z Łaŭrovym adchiliŭ siłavy varyjant rašeńnia. Pavodle jaho słoŭ, dastatkova sił u dźviuch krain, kab dastavić hruzy ŭ Kalininhrad. «Biez usialakich vojnaŭ i vysiłkaŭ. My z Pucinym vielmi surjozna abmiarkoŭvali hetyja pytańni», — dadaŭ jon.
Łaŭroŭ u svaju čarhu raspavioŭ Łukašenku, što akazvajecca ŭ Jeŭropie źjaŭlajecca ŭsio bolš «razvažnych ludziej».
«Tam ciapier usio bolš i bolš źjaŭlajecca razvažnych ludziej, jakija ŭžo pačynajuć dumać: a što dalej? Kali skončycca hetaja situacyja, što dalej? Treba ž dumać pra ahulnajeŭrapiejskaje supracoŭnictva. Ja nie viedaju, ab jakim supracoŭnictvie idzie havorka. U ciapierašnich umovach ciažka sabie ŭjavić. Ale ab tym, što vybudoŭvać biaśpieku biez nas z vami niemahčyma ŭ Jeŭropie — heta fakt, i voś heta mnohija pačynajuć razumieć», — skazaŭ jon.
Usie znoŭ zahavaryli pra Suvałkaŭski kalidor. U čym jahonaje značeńnie i niebiaśpieka?
-
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju
-
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam
-
Kavieryn vybačyŭsia za prapanovu eratyčnaj fotasiesii dla Cichanoŭskaj
Ciapier čytajuć
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju10
Kamientary