AZS abaviazali paviedamlać pra niekatorych kiroŭcaŭ, jakija ŭ ich kuplajuć paliva
Kancern «Biełnaftachim» abaviazaŭ apierataraŭ AZS, dzie dyzpaliva pradajecca pa zvyčajnaj canie, paviedamlać na mytniu, kali takim palivam zapraŭlajucca fury ź ES. Dla hetaha transpartu raniej była ŭviedzienaja navinka: zapraŭka mahčymaja tolki na peŭnych AZS, pry hetym košt na dyzpaliva vyšej, čym dla astatnich kiroŭcaŭ, piša Zerkalo.io.
Pamiatka dla supracoŭnikaŭ AZS, apublikavanaja ŭ telehram kanale «MotolkoPomohi»
Z 20 maja na niekatorych zapraŭkach kiroŭcam hruzavikoŭ na jeŭrapiejskich numarach pradajuć śpiecyjalny vid dyzpaliva — DT-Ł-K5 ECO. Cana na jaho — 3,58 rubla. Heta prykmietna vyšej, čym na zvykłaje dyzpaliva, jakoje kaštuje siońnia 2,38 rubla.
Tym časam u rasparadžeńni redakcyi Zerkalo.io apynuŭsia dakumient, jaki kancern «Biełnaftachim» razasłaŭ pa śpisie na AZS. Heta pamiatka dla apierataraŭ, jakija adpuskajuć paliva. Ciapier jany pavinny adsočvać numary furaŭ, jakija ŭ ich zapraŭlajucca.
Kali heta hruzavik z numarami ES, to na praciahu 30 chvilin apieratar pavinien paviedamić pra fakt zapraŭki na mytniu.
Žurnalisty patelefanavali na dźvie AZS, jakija znachodziacca niedaloka ad miažy i ŭdakładnili, ci pastupała im patrabavańnie paviedamlać pra zapraŭku palivam hruzavikoŭ ź ES.
«Nas heta nie tyčycca, my pradajom dyzpaliva DT-Ł-K5 ECO pa śpiecyjalnaj canie. Ale kali vy pajedziecie kudyści dalej zapraŭlacca, dzie zvyčajnaja cana, tady tyja AZS abaviazanyja paviedamlać na miažu», — paviedamili na adnoj z AZS «Tatbiełnaftapradukt».
Na AZS «Biełarusnafta» dalej ad miažy, dzie cana na dyzielnaje paliva «narmalnaja», paviedamili, što jany sapraŭdy pavinny paviedamlać pra fakty zapraŭki palivam mašyn ź ES. Patrabavańnie heta «davali pad rośpis, cełaja pietycyja była, štrafy buduć».
«Ja za siabie mahu skazać: ja nie budu paviedamlać (na mytniu. — Zaŭv. red.). A kali vy pryjedziecie? Kali zaŭtra, to chaj paprosiać apieratara, kab nie paviedamlali», — adkazaŭ pa telefonie apieratar AZS.
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary