U biełaruskuju rotu terabarony Ukrainy zapisalisia siamiora maładafrontaŭcaŭ
Adzin ź ich — kiraŭnik «Maładoha frontu» Dzianis Urbanovič. U biełaruskaj rocie jon atrymaŭ pazyŭny «Vaŭkałak».
Pra heta piša «Radyjo Svaboda».
Kiraŭnik «Maładoha frontu» Dzianis Urbanovič źjechaŭ va Ukrainu naprykancy 2021 hodu praź pieraśled u Biełarusi.
Pra pieršy dzień vajny Urbanovič uspaminaje tak: «Spaŭ, čuju — raz bachnuła, potym druhi. Mianie pabudzili, kažuć: heta rasiejskija rakiety. Zalez u internet, baču, što Rasieja napała na Ukrainu. Stali pierazvońvacca sa svaimi chłopcami, kudy dałučacca. Idziem na vajnu? Idziem, adkazvajuć».
Dzianis kaža, što akurat hetymi dniami mieŭsia pierajazdžać u Litvu, mieŭ adtul zaprašeńnie. Tym nie mienš padkreślivaje: navat kali b źjechaŭ, to ŭsio adno viarnuŭsia b nazad va Ukrainu.
«Nas tut tolki maładafrontaŭcaŭ siamiora čałaviek. Usich padrabiaznaściaŭ raskazvać nie mahu, ale prachodzim padrychtoŭku», — kaža Dzianis.
Urbanovič tolki što adbyŭ dzionny narad. Pa hałasach u kazarmie čuvać, što chłopcy staviacca da ŭsiaho z humarkom, danosicca šmat žartaŭ i śmiechu. Pry kožnaj pavietranaj tryvozie źnikaje internet.
«Nastroj u nas badziory. Vierym, što pieramožam Rasieju, a paśla vyzvalim Biełaruś. Dumaju, usio tak i budzie. Hałoŭnaje siońnia dla nas — skončyć z pucinskaj uładaj, bo jana — apora dla dyktatur i ŭ siabie, i ŭ Miensku», — kaža jon.
U biełaruskaj rocie terytaryjalnaj abarony «Azova» Urbanovič atrymaŭ pazyŭny «Vaŭkałak». Na bajavyja dziejańni jaho z tavaryšami pakul nie adpraŭlali.
«Ja nie zaŭvažaju, što staŭleńnie da biełarusaŭ pahoršyłasia. Čuŭ, što niechta takoje kaža, ale sam asabista z takim nie sutykaŭsia nidzie. Usio kruta, nas dobra ŭsprymajuć, nijakich pytańniaŭ niama», — kaža Urbanovič.
Ciapier čytajuć
Łukašenka pra pavietranyja šary ź Biełarusi: Ja razmaŭlaŭ ź lotčykami, dla samalotaŭ nijakaj prablemy niama4
Łukašenka pra pavietranyja šary ź Biełarusi: Ja razmaŭlaŭ ź lotčykami, dla samalotaŭ nijakaj prablemy niama
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2323
Kamientary