Łukašenka raskazaŭ padrabiaznaści pačatku vajny (jon nazvaŭ heta «śpiecyjalnaj apieracyjaj Rasii ŭ Danbasie»). Pavodle jaho słoŭ, jon daviedaŭsia pra nastupleńnie rasijskich vojsk u piać hadzin ranicy 24 lutaha.
«Pierad pryniaćciem takoha rašeńnia naša raźviedka i rasijanie vyjavili na terytoryi Ukrainy ŭ niepasrednaj blizkaści ad biełaruskaj miažy niekalki zienitnych i rakietnych dyvizijonaŭ, jakija vyrušyli dla naniasieńnia ŭdaru pa rasijskich vojskach u rajonach raźmiaščeńnia na biełaruskaj terytoryi.
Adnačasova z abjavaj rašeńnia na praviadzieńnie apieracyi Rasijaj byŭ naniesieny papieradžalny ŭdar pa hetym ciažkim uzbrajeńni, pazicyjach, kab praduchilić svaje straty i ŭździejańnie na Biełaruś. Kali b hetaha nie zrabili, hetyja rakiety prylacieli b u Homiel i Mazyr», — zajaviŭ siońnia Łukašenka.
Kamientary