Prankiery płanujuć novyja akcyi «ŭ padtrymku refierendumu», ułady zaklikajuć pavysić pilnaść
Aficyjnyja ŭłady Biełarusi zaniepakoilisia paśla taho, jak nieviadomyja prankiery arhanizavali ŭ biełaruskich škołach niekalki ŭdałych fłeš-mobaŭ z udziełam nastaŭnikaŭ.
Načalnica adździeła kultury Smarhonskaha rajvykankama Taćciana Ražava, jak paviedamlaje Reform.by, rassyłaje padnačalenym zvarot, u jakim sprabuje praduchilić arhanizacyju masavych mierapryjemstvaŭ u padtrymku refierendumu.
Čynoŭnica papiaredžvaje, što ciapier rassyłajucca falšyvyja listy ad imia kiraŭnikoŭ «Biełaj Rusi» ŭ nizavyja arhanizacyi Minskaj vobłaści, u jakich havorycca pra nieabchodnaść udziełu «ŭ masavych mierapryjemstvach na centralnych płoščach nasielenych punktaŭ». Paviedamleńni prychodziać na elektronnuju poštu ŭstanoŭ i pradpryjemstvaŭ, a taksama ŭ asabistyja miesiendžary.
«Nijakich masavych mierapryjemstvaŭ u vyhladzie mitynhaŭ, šeściaŭ, pikietaŭ u padtrymku refierendumu my nie arhanizoŭvajem», — zapeŭnivaje padnačalenych Taćciana Ražava.
Telehram-kanał dziaržaŭnaha ahienctva BiełTA taksama paviedamlaje pra listy, jakija rassyłajuć ad imia Fondu miru z prośbaj sfatahrafavacca z «apazicyjnymi łozunhami» — za mir z Ukrainaj i suprać vajny. Maŭlaŭ, «učora takija listy prychodzili ad imia «Biełaj Rusi».
Ułady zaniepakoilisia nie daremna. Dahetul było niekalki ŭdałych prankierskich akcyj, kali žartaŭniki z fejkavych adrasoŭ rassyłali pa biudžetnych arhanizacyjach prośby-patrabavańni ad imia nibyta dziaržaŭnych struktur ci praŭładnych arhanizacyj, kab ich supracoŭniki zaśviedčyli svaju łajalnaść i patryjatyzm, zrabiŭšy pastanovačnyja zdymki i dasłaŭšy ich na paznačany adras. Mnohija na heta vialisia i dasyłali, niekatoryja imhnienna. Paśla tyja zdymki rabilisia krynicaj dla žartaŭ i vyrazna zaśviedčvali štučnaść i arhanizavanuju pakazušnaść «usienarodnaj padtrymki refierendumu».
Čytajcie taksama:
U škoły razasłali fejkavyja listy nibyta ad «Biełaj Rusi» z patrabavańniem pravieści akcyi za refierendum. Nastaŭniki padparadkavalisia
Chakiery prykinulisia čynoŭnikami i adpravili biudžetnikam hazietu z Babarykam na pieršaj staroncy z prośbaj jaje pačytać. «Daručeńnie» vykanali
Ciapier čytajuć
Ułady Hrodna paviedamili pra vychad z ładu liŭnioŭki pad udaram stychii1
Kamientary