«Pierśpiektyva była čakać dvoje sutak na łaŭcy ź mihrantami». Što ź biełaruskaj, jakuju nie puścili va Ukrainu?
Biełarusku, jakaja prylacieła ŭ Kijeŭ ź Vilni 11 lutaha, nie puścili va Ukrainu. Što ź dziaŭčynaj ciapier?
11 lutaha dziaŭčyna ź biełaruskim pašpartam prylacieła ŭ Kijeŭ, kab zabrać svaje rečy, jakija zastavalisia ŭ znajomych. Ale ŭsich biełarusaŭ vyklikali na strohuju razmovu z pamiežnikami: prasili rastłumačyć mety vizitu, pytalisia, da kaho jany jeduć, navat praviarali ich ukrainskich znajomych. Na ranišnim rejsie «Vilnia — Kijeŭ» ź dziasiatka biełarusaŭ va ŭjeździe admovili tolki adnoj dziaŭčynie: «Nie chapiła dokazaŭ mety prybyćcia».
Paśla biełarusku adpravili ŭ zału čakańnia dla mihrantaŭ. Joj prapanavali źviazvacca z avijakampanijaj, kab vylecieć nastupnym rejsam da Vilni praz dvoje sutak ci na lubym rejsie vylecieć z Kijeva choć adrazu.
Spytali ŭ dziaŭčyny, čym usio skončyłasia.
«Ja vielmi stomlenaja, zaraz u Varšavie. Lacieła apošnim rejsam učora nočču. Mnie skazali, što nijakija prašeńni ab pierahladzie jany razhladać da paniadziełka nie buduć. Tamu pierśpiektyva była zastavacca na dvoje sutak u aeraporcie. Načavać u zali čakańnia: mabyć nie na padłozie, a mabyć na łaŭcy ź mihrantami.
Z avijakampanijaj ja źviazacca nie zmahła.
U ich niama ŭkrainskaha kantaktu, nijakaha pradstaŭnictva, pa brytanskim numary ja taksama nie zmahła ź imi źviazacca, a paśla ŭžo treba było vyrašać pytańnie chutka.
Tamu ja pryniała rašeńnie lacieć da Varšavy. Za kvitok zapłaciła 200 jeŭra, plus u mianie byŭ kvitok da Vilni, na toj rejs praz dva dni, jon adpaviedna «zhareŭ», heta jašče plus 36 jeŭra».
Čytajcie jašče:
«Nie puścili mianie i dvuch rasijan». Biełarusaŭ stroha praviarajuć ukrainskija pamiežniki, niekatorym zabaraniajuć ujezd
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary