Niekatoryja daśledavańni źviazvali zvyčku pić šmat kavy z pavyšanaj ryzykaj pierałomaŭ. Ci varta im vieryć?
Na dumku endakrynołaha Robierta Rekiera, dyrektara Centra daśledavańniaŭ asteaparozu ŭ amierykanskim univiersitecie Krejtana, nie varta turbavacca nakont upłyvu kavy na kostki. Maštabnyja daśledavańni ŭ roznych krainach nie vyjavili prykmiet rostu kolkaści pierałomaŭ u ludziej, jakija pjuć mnoha kavy, piša New York Times.
Naprykład, u 2013 hodzie vyjšła šviedskaja praca, dla jakoj navukoŭcy nazirali bolš čym za 61 tysiačaj žančyn na praciahu prykładna 20 hadoŭ. Zhodna z danymi daśledavańnia, kali pić štodzień čatyry kubki kavy ci bolš, heta trochi źnizić ščylnaść kostak, ale nie pavysić ryzyku pierałomaŭ. A ŭ 2017 hodzie ŭ vydańni Food and Chemical Toxicology vyjšła praca, zhodna ź jakoj spažyvańnie navat da vaśmi kubkaŭ kavy štodzień nie źviazanaje z rostam ryzyki pierałomaŭ.
Ci moža kava vyklikać vymyvańnie kalcyju z arhanizmu? Paćvierdžana, što, čym bolš ludzi pjuć kavu, tym bolš kalcyju vyvodzicca z arhanizmu praz maču. Ale ž kali heta adbyvajecca, ludzi zvyčajna pačynajuć spažyvać bolš praduktaŭ, što źmiaščajuć kalcyj.
Ciapier čytajuć
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary