Cichanoŭskaja sustrełasia z premjeram Litvy ŭ dzień spynieńnia tranzitu kaliju
31 studzienia adbyłasia sustreča Śviatłany Cichanoŭskaj z premjer-ministram Litvy Inhrydaj Šymanicie. Cichanoŭskaja padziakavała ŭradu Litvy za ćviorduju palityčnuju pazicyju i padtrymku biełarusaŭ, a taksama padała prapanovy pa dalejšym supracoŭnictvie i pažadanaj padtrymcy, paviedamlajecca ŭ jaje telehram-kanale.
Adznačyŭšy jak pazityŭny fakt toje, što z 1 lutaha Litva spyniaje tranzit biełaruskaha kaliju, i heta pavinna paŭpłyvać na «kašalki» režymu,
Cichanoŭskaja padkreśliła, što treba praciahvać ekanamičny cisk na režym i nadalej, bo jon nie spyniaje represii ŭnutry krainy.
Taksama lidarka biełaruskich demakratyčnych siłaŭ pieradała Šymanicie pakiet prapanoŭ pa padtrymcy biełaruskaj dyjaspary ŭ Litvie i rełakantaŭ u hetu krainu. Prapanovy tyčylisia pytańniaŭ atrymańnia vizaŭ, afarmleńnia dakumientaŭ na pražyvańnie, pracaŭładkavańni, psichałahičnaj i miedycynskaj dapamohi, a taksama kulturnych prajektaŭ.
Siarod inšaha Cichanoŭskaja adznačyła, što moža być važna akazać vizavuju padtrymku tym biełaruskim rełakantam, jakija ŭ śviatle patencyjnaj pahrozy vajny mohuć być vymušanyja nieŭzabavie pakinuć Ukrainu.
Urešcie Śviatłana Cichanoŭskaja zaprasiła Inhrydu Šymanicie ŭziać udzieł u Biełaruskim biznes-forumie ŭ Vilni 22-23 lutaha.
Čytajcie taksama:
Siońnia viečaram praź Litvu projduć apošnija ciahniki z hruzam «Biełaruśkalija»
Śviatłana Cichanoŭskaja stelefanavałasia ź SIEO Ryanair
Śviatłanu Cichanoŭskuju znoŭ vyłučyli na Nobieleŭskuju premiju miru
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary