Mastacki kiraŭnik Nacyjanalnaha akademičnaha kancertnaha arkiestra Biełarusi, narodny artyst Biełarusi Michaił Finbierh pamior 11 śniežnia. Jamu išoŭ 75-y hod. Pachavajuć jaho na centralnaj alei Uschodnich mohiłak u Minsku.
Raźvitańnie z mastackim kiraŭnikom Nacyjanalnaha akademičnaha kancertnaha arkiestra Biełarusi Michaiłam Finbierham prachodzić u Biełaruskaj dziaržaŭnaj fiłarmonii. Raźvitacca z narodnym artystam pryjšli rodnyja, blizkija, kalehi, dziejačy kultury, pieradaje BIEŁTA. Taksama pryjšło šmat čynoŭnikaŭ.
Finbierh naradziŭsia 21 lutaha 1947 hoda ŭ Mazyry. Tam ža žyŭ i vučyŭsia. Jon piać razoŭ nie pastupiŭ u muzyčnaje vučylišča, tamu vyrašyŭ pasprabavać hrać u vajskovym arkiestry ŭ Kursku. Dziakujučy hetamu, praz paru hod jon staŭ studentam Minskaha muzyčnaha vučylišča, a ŭžo paśla — kansiervatoryi.
Finbierh pracavaŭ u arkiestry minskaha cyrka. Z 1987 hoda byŭ mastackim kiraŭnikom i hałoŭnym dyryžoram Dziaržaŭnaha arkiestra simfaničnaj i estradnaj muzyki. U 2005-m arkiestr staŭ nacyjanalnym, a ŭ 2010-m — akademičnym.
Taksama Michaił Finbierh byŭ členam Savieta Respubliki Nacyjanalnaha schodu na praciahu dvuch sklikańniaŭ, uvachodziŭ u saviet pa kultury pry Saviecie ministraŭ.
U 2020-m hodzie Finbierh dosyć rezka vykazvaŭsia nakont masavych pratestaŭ. Jon ličyŭ, što na vuličnyja akcyi chodziać bandyty.
Finbierh: Na vuličnyja akcyi vychodziać bandyty. A ściah u mianie adzin — čyrvony
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary