Мастацкі кіраўнік Нацыянальнага акадэмічнага канцэртнага аркестра Беларусі, народны артыст Беларусі Міхаіл Фінберг памёр 11 снежня. Яму ішоў 75-ы год. Пахаваюць яго на цэнтральнай алеі Усходніх могілак у Мінску.
Развітанне з мастацкім кіраўніком Нацыянальнага акадэмічнага канцэртнага аркестра Беларусі Міхаілам Фінбергам праходзіць у Беларускай дзяржаўнай філармоніі. Развітацца з народным артыстам прыйшлі родныя, блізкія, калегі, дзеячы культуры, перадае БЕЛТА. Таксама прыйшло шмат чыноўнікаў.
Фінберг нарадзіўся 21 лютага 1947 года ў Мазыры. Там жа жыў і вучыўся. Ён пяць разоў не паступіў у музычнае вучылішча, таму вырашыў паспрабаваць граць у вайсковым аркестры ў Курску. Дзякуючы гэтаму, праз пару год ён стаў студэнтам Мінскага музычнага вучылішча, а ўжо пасля — кансерваторыі.
Фінберг працаваў у аркестры мінскага цырка. З 1987 года быў мастацкім кіраўніком і галоўным дырыжорам Дзяржаўнага аркестра сімфанічнай і эстраднай музыкі. У 2005-м аркестр стаў нацыянальным, а ў 2010-м — акадэмічным.
Таксама Міхаіл Фінберг быў членам Савета Рэспублікі Нацыянальнага сходу на працягу двух скліканняў, уваходзіў у савет па культуры пры Савеце міністраў.
У 2020-м годзе Фінберг досыць рэзка выказваўся наконт масавых пратэстаў. Ён лічыў, што на вулічныя акцыі ходзяць бандыты.
Фінберг: На вулічныя акцыі выходзяць бандыты. А сцяг у мяне адзін — чырвоны
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі22
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары