«Vielmi ambicyjny, choča trapić u hienierały». Chto taki Vital Kazłoŭ, hołas jakoha časta traplaje na źlivy chakieraŭ
Vital Kazłoŭ staŭ sumnaviadomaj «zorkaj» internetu, dziakujučy źlivam abjadnańnia chakieraŭ. Badaj što rekardsmien pa ŭžyvańni słova «bł***». Hołas padobny da Kazłova hučyć na aŭdyjazapisie pra zatrymańnie Cichanoŭskaha, Kudzina, jon jość na skandalnym abmierkavańni Čamadanavaj. Kažuć, što jana syšła z pasady pres-sakratara mienavita paśla apubličvańnia hetaha zapisu. Byłyja kalehi raskazali «Našaj Nivie» pra karjerny šlach pieršaha namieśnika UUS Minabłvykankama.
Kazłoŭ naradziŭsia ŭ vioscy Kasmovičy Niaśvižskaha rajona ŭ 1975-m. U milicyi jon z 1998-ha hoda. Spačatku słužyŭ učastkovym Kastryčnickaha tady jašče RAUSa stalicy. Tam zajmaŭsia prablemnaj moładździu, narkamanami, biazdomnymi. Potym staŭ tam ža načalnikam inśpiekcyi pa spravach niepaŭnaletnich.
«Kazłoŭ rvaŭsia prajavić siabie padčas razhonu pratestaŭ letam»
U Kastryčnickim RUUSie Kazłoŭ dasłužyŭsia da namieśnika načalnika. Našy krynicy charaktaryzujuć jaho jak šarahovaha, ničym nie admietnaha vykanaŭcu. Ale tak było da 2011 hoda, kali ŭ Kazłova zdaryŭsia karjerny ŭźlot.
«Kazłoŭ rvaŭsia prajavić siabie padčas razhonu pratestaŭ letam 2011-ha, zrazumieŭšy, što heta šaniec zapomnicca načalstvu», — kažuć kalehi i ŭspaminajuć jaho aktyŭnaść na Pryvakzalnaj płoščy.
Pa słovach našych surazmoŭcaŭ, paśla hetych padziej Kazłova pryznačyli namieśnikam načalnika upraŭleńnia achovy pravaparadku i prafiłaktyki UUS Minabłvykankama. Heta byŭ davoli dziŭny, nietypovy pierachod.
«Kazłoŭ u peŭnym sensie pracaholik. U abłasnoj milicyi byvali dni, kali jon pracavaŭ pa 12-14 hadzin. Heta adbivałasia na pavodzinach: isteryki, kidańnie na padłohu papier, posudu, hetaja rysa jaho charaktaru razdražniała», — uspaminaje adzin z kaleh siłavika.
«Bolšaja častka prysutnych admoviłasia niešta brać, a jon heta padzialiŭ pamiž jašče paraj čałaviek»
«Paśla vybuchaŭ u Minsku ŭsie masavyja mierapryjemstvy pačali «režymić». I ja pryhadvaju, jak pieršy raz ubačyŭ Kazłova — na režymnym supravadžeńni Budsłaŭskaj pilihrymki. Pastavili ramki, praź ich prachodzili dziasiatki tysiač viernikaŭ, u ich zabirali pradmiety kštałtu nažničak, nožyčkaŭ, ałkahol taksama.
Zabrali z paru dziasiatkaŭ butelek vina. Usie adabranyja pradmiety mieli być viernutymi paśla. I voś, vino nichto zabirać nie staŭ. I Kazłoŭ kaža ŭ štabie: nu što, vino sabie zabirajem? My ažno asieli — jak sabie?! — A što, prapanujecie vylić?. Dy choć by i vylić! Heta ž nie naša.
Nu, i bolšaja častka prysutnych admoviłasia niešta brać, a jon heta padzialiŭ pamiž jašče paraj čałaviek, što pahadzilisia, i saboj. Tady ja zrazumieŭ, što ŭ jaho maralnaja płanka mocna źnižanaja», — uspaminaje inšy aficer.
«Zrazumieŭšy, jakija jakaści siońnia ŭ canie ŭ načalstva, jon choča trapić u hienierały»
Paśla vybaraŭ i padziej leta-vosieni 2020-ha ŭsie načalniki milicyi hramadskaj biaśpieki stali pieršymi namieśnikami kiraŭnikoŭ UUS. Da hetaha było zaviedziena, što pieršymi zamami byli načalniki kryminalnaj milicyi. Takim pieršym namieśnikam staŭ i Kazłoŭ.
«Kazłoŭ — vielmi ambicyjny. Zrazumieŭšy jakija jakaści siońnia ŭ canie ŭ načalstva, jon choča trapić u hienierały. I pakul jaho daroha idzie roŭna», — kažuć jaho byłyja kalehi.
Sprava ŭ tym, što pasada načalnika ŭpraŭleńnia pravaparadku i prafiłaktyki UUS Minabłvykankama stała tramplinam adrazu dla niekalkich dziejnych hienierałaŭ, u tym liku dla dvuch ministraŭ.
Tak, papiarednikam Kazłova na hetaj pasadzie z 2007 pa 2010 hod byŭ ciapierašni ministr pa nadzvyčajnych situacyjach Vadzim Siniaŭski. Z 2010 pa 2011-ty hetuju ž słužbu ŭznačalvaŭ ciapierašni ministr unutranych spraŭ Ivan Kubrakoŭ. A potym z toj ža pasady kiraŭnikom HUUS Minharvykankama staŭ Michaił Hryb.
Cikava, što dačka Kazłova ciapier vučycca na žurfaku BDU, a jaje baćka byŭ u składzie ekśpiertnaj kamisii, jakaja pryznała knihu «Biełaruskaja nacyjanalnaja ideja» žurnalista Źmiciera Łukašuka ekstremisckaj. Kazłoŭ hałasavaŭ «za».
Čytajcie taksama:
«Ministr kaža: spahnańnie ź mianie, a Hamołu z pasady źniać». U novym źlivie siłaviki abmiarkoŭvajuć pres-sakratarku MUS Volhu Čamadanavu
«Raz'***** vokny i dastać jaho pakazalna». Źjaviŭsia novy źliŭ pra zatrymańnie Cichanoŭskaha
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki31
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1717
Kamientary