Tyktok ź biełaruskim smakam: sabrali dla vas padborku cikavych ajčynnych kanałaŭ, za prahladam jakich možna bavić viečary
TikTok uvachodzić u dziasiatku samych naviedvalnych sacsietak u śviecie, i kolkaść aktyŭnych karystalnikaŭ praciahvaje raści. Papularnaść tłumačycca prastatoj i zručnaściu: tyktok idealna adaptavany dla prahladu videakantentu z mabilnych pryładaŭ u dynamičnym haradskim farmacie.
Akramia taho, u tyktoku vielmi šmat zabaŭlalnaha kantentu, a ludzi vielmi stamilisia ad niehatyvu (karanavirus, śmierci, palityčnyja kanflikty). Tamu siudy aŭdytoryja prychodzić «pazalipać» i krychu raźviejacca.
Razam ź ludźmi, jakija zavisajuć u sietcy pa pracy i ŭžo zaŭvažyli ŭ joj peŭnyja tendencyi, skłali dla vas padborku cikavych i źmiastoŭnych kanałaŭ, jakija viaduć biełarusy pra Biełaruś.
@hodnaby Kanał hramadskaj kampanii «Hodna»: biełaruskaja nacyjanalnaja ideja ŭ TikTok-farmacie. U videa možna daviedacca i dzie pakaštavać čabureki sa smakam pačatku biełaruskaj niezaležnaści, i pra historyi minskich budynkaŭ, a samaje hałoŭnaje — navučycca razmaŭlać pa-biełarusku ŭ interaktyŭnaj, lohkaj formie.
@hodnamusic Jašče adzin asobny kanał kampanii «Hodna». Tut viadučy raspaviadaje pra viadomuju i nie nadta viadomuju biełaruskuju muzyku, jakaja tak ci inakš vartaja ŭvahi.
@ y_mena_vopros Emacyjny, ščyry i łahičny razbor biełaruskaj navinavaj paviestki z humaram.
@belarus360 Nievierahodna pryhožyja mikra-padarožžy pa Biełarusi. Na ruskaj movie, ale ź vialikaj luboŭju da svajoj krainy. Jakasnaja karcinka i kadry z drona.
Jeŝio bolšie krasivych miest v profile. Podpišiś, čtoby nie propustiť ##vsieprobiełaruś ##putiešiestvujuzarubiež ##sportivnyjtrievieł ##trievieł_estietika
@vitaju_vital Aŭtar kanała Vital Ryžkoŭ daśleduje biełaruski charaktar i sprabuje razabracca, čym biełarusy adroźnivajucca ad inšych nacyj.
Niejkaja trasca ##biełaruś ##biełaruskiciktok ##pabiełarusku ##biełaruskajamova
@parksula.by Biełaruskaje siaredniaviečča i tradycyi, jakija možna pamacać. Akaŭnt parka-muzieja interaktyŭnaj historyi.
Navat ježu Park historyi - Vialikaje Kniastva Suła ##Biełaruś ##istorija ##muziej
@nadinholman Situacyi ź biełaruskaha IT. Ruskamoŭny akaŭnt i biez asablivych zhadak pra Biełaruś (ale ž my IT-kraina).
@marika.lois Historyjki z žyćcia biełaruskaj dziaŭčyny Maryjki. Šmat humaru na temu biełaruskaj paŭsiadzionnaści i našych absurdnych navin.
Kakije jeŝio pričiny? ##žyviebiełaruś ##biełaruś ##stranadlažiźni
@homanby Kłub biełaruskaj movy z Andrusiom Takindanham i Alaksiejem Šeinym. Cikavostki i praviły biełaruskaj movy z humaram.
@zuflit Miemčyki na histaryčnuju tematyku i archiŭnyja biełaruskija fotazdymki z rasšyfroŭkami: chto na ich, kali fota było zroblena i hetak dalej.
@_zorka_venera Jašče adzin tyktok ź biełaruskamoŭnym kantentam. Aŭtarka raskazvaje i pra toje, jak pačała razmaŭlać pa-biełarusku i pra toje, što chvaluje sučasnuju moładź. Ëść tut miesca i temam kachańnia, i abmierkavańniu kompleksaŭ.
Ledź nie patapiła telefon u pracesie filmavańnia) ##biełaruś ##biełaruskajamova ##krambambula ##riekomiendacii ##chočuvriekomiendacii ##belarus ##fyp ##on ##fyr
@li_vetrova Pra tyktok Lizy Vietravaj my ŭžo raspaviadali raniej. Tut i pra toje, jak łajacca pa-biełarusku, i razmaŭlać na temu seksu. A jašče ŭ dziaŭčyny vielmi charyzmatyčny kot!
Voś tak vyhladaje biełaruskaje ciarpieńnie ##biełarusypojmut
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary