Alaksandr Łukašenka siońnia na ŭračystym schodzie ŭ honar Dnia Niezaležnaści raspavioŭ ab sprobie zabojstva žurnalista STB Ryhora Azaronka, paviedamlaje BiełTA.
«I jašče adno zamach na złačynstva, što moža skałanuć (prynamsi, usiu hetu zału): sproba zabojstva našaha žurnalista Ryhora Azaronka. Heta zdaryłasia minułaj nočču: 1 lipienia. Meta (cytuju) — abiazrušyć, zachapić, kinuć u bahažnik. Vyvieźci ŭ les u samaje hłuchoje miesca, adrezać jazyk. Uziać nažnicy, kab sam heta zrabiŭ. Kali nie zrobić sam — toj, chto byŭ naniaty za dziesiać tysiač dalaraŭ (hrošy byli pieraličanyja), pavinien byŭ ažyćciavić hetuju apieracyju, zaśniać na kamieru i vykłaści ŭ internet», — raspavioŭ Alaksandr Łukašenka.
Pa jaho słovach, heta złačynstva zadumvałasia jak papiaredžańnie: hladzicie, my vas usich pierarežam, jak minimum adrežam jazyk, kab maŭčali. «Kali nie atrymajecca — zabić.
Pistalet byŭ pryviezieny z Ukrainy i schavany ŭ tajniku ŭ Homielskaj vobłaści, jak i inšyja prybory (ciepłavizary i inšaje), jakija vykarystoŭvalisia pry sprobie padarvać vilejskuju stancyju suviazi RF z vajenna-marskim fłotam u Atłantycy, — adznačyŭ jon. — Usie byli abvinavačanyja, znojdzieny schovanki. Apieracyja praciahvałasia doŭha. Znoŭ spytajecie proźvišča? Kali łaska, heta Sasnoŭski. Aryštavany i daje pakazańni».
«Jany trojčy sprabavali jaho zachapić abo zabić. Meta była — zajści ŭ kvateru i ŭ kvatery», — skazaŭ jon.
Kab uziać złačyncaŭ z dokazami złačynstva, śpiecsłužby vyrašyli pryciahnuć Ryhora Azaronka da apieracyi. «Heta było niebiaśpiečna. Ale jon, jak sapraŭdny mužyk, pajšoŭ. I što dziŭna: jon pieršym z bandziuham, jaki išoŭ na jaho (i jon viedaŭ, što jon uzbrojeny), pačaŭ bojku. Jon pavaliŭ jaho i pačaŭ ź im bicca. Litaralna siekundy — i byli zachoplenyja hetyja miarzotniki. Ja chaču padziakavać baćkam za hetaha chłopca», — raspavioŭ Łukašenka
***
Taksama Łukašenka raspavioŭ, što siońnia byli vykrytyja stvoranyja «śpiačyja» terarystyčnyja jačejki, h.zv. atrady samaabarony. Meta hetych jačejek —hvałtoŭnaja źmiena ŭłady ŭ dzień iks.
Pa jaho słovach, kaardynatarami vystupili Litva, Polšča, ZŠA, Ukraina i Hiermanija. Byŭ stvorany telehram-kanał «atrady samaabarony Biełarusi», u jakim było 2,5 tysiač padpisčykaŭ. «Heta ich bajavy rezierv. My ich viedajem u tvar»»
Jon zajaviŭ, što litaralna niadaŭna hetyja siły sprabavali źniščyć vialikuju kolkaść lesanarychtoŭčaj techniki ŭ lashasach.
«Jakaja meta — padpalić kałonu aŭtamabilaŭ unačy, vykłaści heta ŭ internecie i pakazać: hladzicie, my žyvyja, my zmahajemsia i źvierhniem hety režym. Heta było 8 červienia - jaje zatrymańnie. Zamach nie ŭdaŭsia».
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary