«Byŭ vielmi blakły vadziany znak»: redaktar Hrodna.life raskazaŭ ab pryčynach zatrymańnia
Redaktar hrodzienskaha partała Hrodna.life Alaksiej Šota raskazaŭ Tut.by pra svajo zatrymańnie i pra jaho pryčyny.
— Prykładna a 13.00 mianie zatrymali kala padjezda doma, dzie ja žyvu. Pryvieźli ŭ Leninskaje RAUS. Zabrali šnurki, i mnie pryjšłosia paprysiadać halakom. Ja dumaŭ, što zastanusia na sutki, pasiadzieŭ navat u nievialikaj kamiery razam ź biazdomnym mužčynam.
Usio było kulturna — davali papić vady i vadzili ŭ tualet. Potym adpuścili, skłaŭšy pratakoł pa administracyjnym artykule 19.11 za raspaŭsiud ekstremisckich materyjałaŭ, — raspavioŭ Alaksiej.
— Što tyčycca pryčyny, to ŭ nas na partale ŭ paniadziełak vyjšaŭ artykuł pra toje, što pisali zamiežnyja ŚMI ab vymušanaj pasadcy samalota Ryanair u Miensku ŭ minułuju niadzielu. Na adnym z fotazdymkaŭ byŭ vielmi blakły vadziany znak telehram-kanała, jaki pryznany ekstremisckim.
U toj dzień ja vykonvaŭ abaviazki nie hałoŭnaha redaktara partała, a dyrektara. Heta roznyja funkcyi. I nie zachodziŭ na sajt. Chtości z supracoŭnikaŭ pastaviŭ takuju navinu i nie ŭbačyŭ ledź prykmietnaha vadzianoha znaka. Kali ja heta zaŭvažyŭ, to adrazu vydaliŭ karcinku, adnak chapiła niekalkich hadzin, kab byŭ zrobleny skrynšot i potym składzieny pratakoł.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary