Premjer Izraila paabiacaŭ «uziać płatu žyćciami» za rakietnyja abstreły
Palestynskija hrupoŭki CHAMAS i «Isłamski džychad» zapłaciać vysokuju canu za rakietnyja abstreły Izraila, zajaviŭ premjer-ministr krainy Bińjamin Nietańjachu padčas zvarotu da nacyi, pieradajuć infarmahienctvy.
Jon padkreśliŭ, što ŭzbrojenyja siły Izraila ŭžo nanieśli ŭdary pa sotniach celaŭ u siektary Haza i praciahvajuć vajennuju apieracyju.
«My źniščyli dziasiatki terarystaŭ, u tym liku palavych kamandziraŭ. My razbambili kamandnyja centry CHAMASa i źniščyli abjekty, jakija absłuhoŭvajuć terarystyčnyja arhanizacyi. My praciahniem nastup z usich sił», — zajaviŭ Nietańjachu, dadaŭšy, što adnaŭleńnie biaśpieki zojmie niekatory čas.
Abvastreńnie palestyna-izrailskaha kanfliktu pačałosia ź biesparadkaŭ va Uschodnim Jerusalimie. Tut adbylisia sutyknieńni palicyi i paleścincaŭ, jakich izrailski sud pastanaviŭ vysielić sa svaich damoŭ.
10 i 11 maja bajeviki CHAMASa vyrabili masiravanyja rakietnyja abstreły terytoryi Izraila ź Siektara Haza. Častka rakiet pierachapiła sistema supraćrakietnaj abarony «Žalezny kupał».
Pavodle Times of Israel, zahinuła žančyna, jašče vosiem čałaviek byli paranienyja, niekatoryja ź ich znachodziacca ŭ ciažkim stanie.
Izrail u adkaz na ataku nanios udary pa abjektach CHAMASa ŭ Siektary Haza. Ułady krainy paviedamlali pra paražeńnie nie mienš jak 130 celaŭ bajevikoŭ. Palestynskaje Minzdaroŭja paviedamlaŭ pra hibiel 22 čałaviek u vyniku abstrełaŭ u adkaz, kala sotni paciarpieli.
Ciapier čytajuć
Žonka Statkieviča raskazała, pra što paśpieła parazmaŭlać ź im8
Kamientary