Ahladalnica haziety New York Times nazyvaje vosiem najlepšych knih paezii, siarod jakich i zbornik Valžyny Mort, jakaja naradziłasia ŭ Biełarusi i žyvie ŭ ZŠA, źviartaje ŭvahu «Radyjo Svaboda.»
«Mnie niazručna vykarystoŭvać u śpisie słova «najlepšy» — zbolšaha tamu, što ja prosta adzin čałaviek, hust jakoha subjektyŭny», — piša Eliza Habert u pačatku ahladu paetyčnych vydańniaŭ, tym nie mienš, publikacyja vyjšła ŭ rubrycy «Najlepšaje ŭ 2020 hodzie».
Ahladalnica piša pra vosiem vydańniaŭ, siarod jakich — antałohija afra-amierykanskaj paezii za 250 hadoŭ pad redakcyjaj Kevina Janha i «Emporium» maładoj aŭtarki Adyci Mačada, jakaja atrymała premiju Džejmsa Łaflina.
U liku vaśmi najlepšych vydańniaŭ — i kniha Valžyny Mort «Music for the dead and resurrected» («Muzyka dla miortvych i ŭvaskresłych») vydaviectva Farrar, Straus & Giroux.
«Dzicia ŭ Biełarusi niasie na sabie ciažar akardeonu i biaskoncyja vajennyja historyi, kašmary kryvi i kostak i radyjeaktyŭnaj hleby. Vieršy Mort raspaviadajuć pra sakretnuju historyju («Cišynia vybivaje z nas movu»), u ich jość naviaźlivaja jakaść dziciačych vieršykaŭ u minornaj tanalnaści, ciomnaja mahija zaśniežanaha lesu («Ja taksama miasa, zaplecienaje ŭ šerah dumak. / Ja malusia drevam», — piša pra knihu Valžyny Mort Eliza Habert u New York Times.
Valžyna Mort (Volha Martynava) naradziłasia ŭ Minsku, žyvie ŭ ZŠA, dzie vykładaje ŭ Karnelskim univiersitecie. Jaje knihi vychodzili ŭ Biełarusi, ZŠA, Niamieččynie, Šviecyi. Mort — łaŭreatka mižnarodnaj litaraturnaj uznaharody «Kryštal Vilenicy» (Słavienija, 2005), litaraturnaj uznaharody dla ŭschodniejeŭrapiejskich aŭtaraŭ Burda Preis (Niamieččyna), litaraturnaj uznaharody Bes Hokin (Bess Hokin Prize) ad amierykanskaha časopisa Poetry.
Hałyhina prymusili apraŭdvacca za zvarot da siłavikoŭ u 2020-m17
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary