Rektar Akademii kiravańnia Daniłovič: Čyrvony — staražytny słavianski koler, zialony — koler bahini Łady, zachavalnicy ładu ŭ dziaržavie
U intervju «Źviaździe» były dyrektar Instytuta historyi, a siońnia rektar Akademii kiravańnia Viačasłaŭ Daniłovič znoŭ parazvažaŭ pra bieł-čyrvona-bieły ściah, a taksama zakranuŭ pytańnie, ci varta prydumać alternatyŭnuju simvoliku.
«Kab prydumać novy varyjant — patrebna vialikaja hruntoŭnaja daśledčyckaja rabota, jakaja ŭ tym liku tłumačyła b i značeńnie simvałaŭ. Ale ž užo isnavała dobra znajomaja hramadstvu i ničym nie zaplamlenaja simvolika BSSR, pryniataja ŭ 1951 hodzie, — miarkuje Daniłovič.
— Darečy, jana maje hłybokija sensavyja płasty. Tut vam i staražytny słavianski koler sonca i žyćcia — čyrvony: jašče z časoŭ staražytnaj Rusi słavianie baranili svaje ziemli pad čyrvonymi ściahami, ściah VKŁ ciaham niekalkich stahodździaŭ taksama byŭ čyrvonaha koleru, jak i ściahi SSRB, LitBieł i BSSR da 1951 hoda.
Dadajcie siudy bolš sučasnuju traktoŭku — koler kryvi, jakuju prodki pralili za svabodu — usio razam vychodzić vielmi simvalična.
Kaliści pry BSSR vučyli, što zialony — heta koler biełaruskich lasoŭ. Ale, kali zahłybicca dalej u słavianskuju simvoliku, — heta koler bahini Łady — zachavalnicy ładu ŭ siamji, hramadstvie, dziaržavie.
Arnamient na našym ściahu — uvohule źjava dla dziaržaŭnaj simvoliki vielmi redkaja, kali jaho pračytać z punktu hledžańnia narodnaha simvalizmu — heta simvał zasiejanaha pola, jakoje daść uradžaj.
Vielizarnaja stanoŭčaja kanatacyja zakładziena ŭ hety ściah, i ci varta było štości kardynalna mianiać?»
«Pad hetym ściaham BSSR u paślavajennyja hady vielmi paśpiachova raźvivałasia ŭ paraŭnańni ź inšymi savieckimi respublikami, było šmat zroblena — była zakładziena taja sacyjalna-ekanamičnaja, i hramadska-palityčnaja, i kulturnaja asnova, jakaja stała nieabchodnym fundamientam dla pabudovy našaj sučasnaj niezaležnaj krainy, jakaja kirujecca ŭłasnymi intaresami, a nie tym, što joj naviazvajuć «dabrachoty» zvonku», — miarkuje Daniłovič.
Dyrektar Instytuta historyi: Pad bieł-čyrvona-biełym ściaham apryjory ruchajucca da źniešniaha pratektaratu
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie61
Kamientary