Padsasonny raskazaŭ, jak biełaruskija śpiecsłužby padsyłali da jaho ahienta
Były viadučy «Biełsata» Siarhiej Padsasonny ŭ intervju jutub-kanału «ČasnOK-Live» raspavioŭ, jak jaho sprabavali «raskrucić», vykarystoŭvajučy jahonuju aryjentacyju i jahonaha byłoha studenta.
«Z ulikam savieckaj rečaisnaści, niezaležnym žurnalistam treba pamiatać pra toje, što śpiecsłužby paŭsiul pracujuć. U zamiežžy taksama. Heta pad vyhladam siabroŭstva, kampanii. Z kimści na piva ty chodziš piać hadoŭ, a potym akazvajecca, što heta čałaviek, katory [pracuje na śpiecsłužby]», — davodzić Siarhiej Padsasonny.
Žurnalist pryhadaŭ vypadak, jaki zdaryŭsia ź im jašče padčas žyćcia i pracy ŭ Biełarusi.
«Byŭ padasłany da mianie čałaviek, admysłova, z nadziejaj na toje, što pakolki ja hiej, to mahu jak by «raskrucicca», pavieścisia na simpaciahu», — z uśmieškaj zhadvaje Padsasonny i davodzić, što jon razumieŭ, «u čym hulnia z hetym čałaviekam».
Pa słovach Siarhieja, śpiecsłužby padasłali jaho byłoha studenta, jaki prapanavaŭ sustrecca, bo nibyta choča vučycca dalej i paprasić paradaŭ.
Jak tłumačyć Padsasonny, jon nikoli nie admaŭlaje ŭ dapamozie svaim studentam, jak ciapierašnim, tak i byłym: «Kali jany štości prosiać, to ja zaŭsiody im rekamiendacyi pišu, kab jany pastupili kudyści, parady daju i hetak dalej».
Sustreŭsia jon i z hetym maładym čałaviekam. Adnak, jak davodzić mužčyna, «heta vyhladała zusim pra inšaje». «Heta było vielmi prykra».
Siarhiej Padsasonny naradziŭsia ŭ 1981 hodzie. Vučyŭsia ŭ viaskovaj škole ŭ Buda-Kašaloŭskim rajonie. Skončyŭ fiłałahičny fakultet Homielskaha dziaržaŭnaha ŭniviersiteta, aśpiranturu na hetym samym fakultecie i psichałahičny fakultet HDU. Pracavaŭ nastaŭnikam ruskaj, biełaruskaj movy i litaratury. U 2004—2007 hadach byŭ vykładčykam ruskaj fiłałohii ŭ Homielskim piedahahičnym univiersitecie. Z 2007 da 2025 hoda pracavaŭ na «Biełsacie». Daśledčyk tvorčaści Fiodara Dastajeŭskaha.
Kamientary
_______________________________________
U 2004—2007 hadach, dy i paśla hetaha, nie isnavała Homielskaha piedahahičnaha univiersiteta. Pamyłka u tekście, tavaryš major.