«Mnie pofih. Štrafujcie mianie, ja bahaty». Turyst na Havajach kinuŭ kamień u redkaha ciulenia — miascovyja žychary nie daravali
U Havajach 37‑hadovy turyst špurnuŭ vielizarny kamień u havajskaha ciulenia-manacha, što znachodzicca pad pahrozaj źniknieńnia, i chvaliŭsia, što jamu čchać na nastupstvy, bo jon «bahaty».
Kamień ledź nie trapiŭ žyviolinie ŭ hałavu.
«My skazali jamu [turystu], što vyklikali palicyju, a jon adkazaŭ: «Mnie pofih. Štrafujcie mianie, ja bahaty». Jon tak i skazaŭ i pajšoŭ dalej», — raskazała žančyna, jakaja źniała na videa hety momant, piša The Independent.
Ciuleń pa mianušcy Łani, u jakuju celiŭ turyst, — lubimica mnohich miascovych žycharoŭ. Jana viarnułasia ŭ horad Łachajna paśla maštabnych lasnych pažaraŭ 2023 hoda.
Štraf za pryčynieńnie škody ciuleniam-manacham moža składać bolš za 35 tysiač dalaraŭ.
Adździaleńnie achovy pryrodnych resursaŭ zatrymała mužčynu. Departamient ziamielnych i pryrodnych resursaŭ Havajaŭ nie nazyvaŭ jaho imia. Paviedamiŭ tolki, što heta 37‑hadovy žychar Sietła, štat Vašynhton.
Ale žychary vyrašyli vyličyć turysta sami i prasłavić jaho za taki ŭčynak. Jak pišuć roznyja pabliki, mužčynu apaznali jak Ihara Litvinčuka, uładalnika Vašynhtonskaj sudnachodnaj kampanii.
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca44
Kamientary