Pucin zajaviŭ, što Rasija nie atrymała ad Ukrainy prapanoŭ pa abmienie pałonnymi
Prezident Rasii Uładzimir Pucin zajaviŭ, što Maskva nie atrymlivała ad Kijeva prapanoŭ pa abmienie pałonnymi, praduhledžanym pieramirjem, pra jakoje baki damovilisia pry pasiarednictvie ZŠA. U Ofisie prezidenta Ukrainy paviedamili, što hetaje śćviardžeńnie nie adpaviadaje rečaisnaści.
«Nijakich prapanoŭ dahetul da nas, na žal, nie pastupała», — skazaŭ Pucin žurnalistam.
Pavodle jaho słoŭ, Rasija nibyta nakiravała Kijevu śpis z 500 ukrainskich vajskoŭcaŭ, jakija znachodziacca ŭ Rasii, jašče 5 maja.
«Pieršapačatkova reakcyja była takaja, što treba pahladzieć bolš uvažliva, moža być, nie ŭsie 500, moža być 200. A potym jany ŭvohule źnikli z radaraŭ i naŭprost skazali, što jany nie hatovyja da hetaha abmienu», — skazaŭ Pucin.
Pahadnieńnie ab pieramirji, pra jakoje paviedamiŭ prezident ZŠA Donald Tramp, praduhledžvała abmien vajennapałonnymi ŭ farmacie «1000 na 1000».
U Ofisie prezidenta Ukrainy paviedamili, što hetaje śćviardžeńnie nie adpaviadaje rečaisnaści. Praca nad abmienam u farmacie 1000 na 1000 praciahvajecca, adznačyli ŭ Ofisie, piša «Suśpilnie».
«Zajavy Uładzimira Pucina pra toje, što Ukraina nibyta zajaviła Rasijskaj Fiederacyi pra svajo niežadańnie abmieńvacca pałonnymi, nie adpaviadajuć rečaisnaści. Pakolki damoŭlenaść była dasiahnuta pry pasiarednictvie ZŠA, realnaje ažyćciaŭleńnie abmienu zaležyć ad zdolnaści amierykanskaha boku vystupić u jakaści jaho haranta. U ciapierašni čas pa hetym pytańni viaducca aktyŭnyja kantakty», — skazaŭ nienazyvany surazmoŭca vydańniu.
U čym zaminka, nie nazyvajecca.
Ciapier čytajuć
Za «ekstremisckija» padpiski pry praviercy na miažy bolš nie sadžajuć na sutki15
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Pucin nie padziakavaŭ Zialenskamu za dazvoł pravieści parad u Maskvie.
Ale niešta tam fantazuje.