Śviatyja krasoŭki. Sieciva abmiarkoŭvaje vintažny abutak papy Lva XIV
Leŭ XIV zadaje novy trend na papski abutak.

Papa Leŭ XIV nosić biełyja krasoŭki razam z papskim adzieńniem. Heta bačna ŭ trejlery dakumientalnaha filma «Leone a Roma», apublikavanaha Vatican News.
Papski vybar abutku vyklikaŭ ažyjataž u sacyjalnych sietkach, piša BILD.
Leŭ XIV chodzić nie prosta ŭ krasoŭkach. Ludziej asabliva ŭraziła toje, što abutak papy Lva, padobna, vintažny. Heta Nike Franchise Low — krasoŭki, jakija ŭpieršyniu vyjšli ŭ siamidziesiatych, ale byli pieravypuščany ŭ 2008 hodzie.
Papa Leŭ XIV — nie pieršy pantyfik ź luboŭju da zručnaha abutku. Tak, Bieniedykt XVI u 2005 hodzie źjaviŭsia na aŭdyjencyi ŭ čyrvonych ślipierach. Italjanskaja presa pryjšła ŭ zachapleńnie i nazyvała jaho «papam Prada». Jarka-čyrvonyja tufli stali temaj abmierkavańnia va ŭsim śviecie, choć Vatykan paźniej udakładniŭ, što heta byli nie Prada, a praca vatykanskaha šaŭca.
Pierajemnik Bieniedykta papa Francišak nasiŭ piersanalizavanyja krasoŭki Nike — bieła-žoŭtyja ŭ kolerach Vatykana, upryhožanyja jaho asabistym hierbam. Ich jamu padaryli. Słovy «Pope» i «Francis» upryhožvali zadniki čaravikaŭ. Francišak vidavočna byŭ rady niezvyčajnamu padarunku. Zvyčajna ž jon addavaŭ pieravahu čornamu artapiedyčnamu abutku — praz chraničnyja prablemy z kaleniami.
Kamientary