U Maładziečnie razdavali sałdackuju kašu, pad daždžom vystraiłasia vialikaja čarha
U Maładziečnie 9 maja ŭ haradskim parku arhanizavali biaspłatnuju razdaču sałdackaj kašy. Achvotnych jaje źjeści akazałasia nastolki šmat, što ŭtvaryłasia vializnaja čarha, niahledziačy na doždž i doŭhaje čakańnie, zaŭvažyła vydańnie «Lusterka».
Videa z čarhoj źjaviłasia ŭ sacsietcy Threads i vyklikała aktyŭnaje abmierkavańnie. Častka karystalnikaŭ ździŭlałasia, čamu ludzi hatovyja marnavać stolki času dziela prostaj biaspłatnaj ježy. Niekatoryja nazyvali heta «čarhoj za chalavaj» i pisali, što takuju kašu možna lohka pryhatavać i doma.
Inšyja, naadvarot, abaraniali ŭdzielnikaŭ, adznačajučy, što sprava, maŭlaŭ, nie ŭ ježy jak takoj, a ŭ atmaśfiery śviata, tradycyi i pamiaci pra vajnu. Na ich dumku, ludzi prychodziać nie prosta pa kašu, a kab adčuć jednaść i pryniać udzieł u pamiatnych mierapryjemstvach.
Psichołahi tłumačać papularnaść takich akcyj tym, što ludzi časta aryjentujucca na pavodziny inšych. Kali bačać vialikuju čarhu, to ŭźnikaje adčuvańnie, što padzieja važnaja abo daje niejkuju karyść. Akramia taho, udzieł u ahulnym dziejańni stvaraje adčuvańnie supolnaści.
U Kiemieravie prapahandystka pavinšavała žančynu, u jakoj zahinuŭ na vajnie z Ukrainaj syn, z «dvajnym śviatam» VIDEA
U abłasnych haradach Biełarusi prarasijskija aktyvisty praviali «Bieśśmiarotnyja pałki»
«Navat kab nie zaprasili, ja b pryjechaŭ u svaju Maskvu». Łukašenku spadabaŭsia parad na Krasnaj płoščy
U Čycie na Parad Pieramohi ŭpieršyniu vyvieli kałonu žonak i maci ŭdzielnikaŭ vajny z Ukrainaj
Łukašenkaŭcy zapuścili fłešmob #mojściahmojstyl. Dałučylisia Cichanoŭskaja, Sieviaryniec, Laŭčuk
Kamientary
Poka nie pozdno, jezžajtie v russkij okop v Ukrainie, tam budiet i kaša, i romantika.....