MZS Rasii pachvaliłasia rasijskaj akcyjaj «Bieśśmiarotny połk» u Minsku
Rasija praviała ŭ Minsku maštabnuju akcyju «Bieśśmiarotnaha połka», niahledziačy na supraciŭ biełaruskaha boku. Uznačaliła jaje pasolstva RF u Biełarusi.
Śpikier MZS RF Maryja Zacharava pierapościła publikacyju pasolstva Rasii ŭ Biełarusi pra prapahandysckuju rasijskuju akcyju «Bieśśmiarotny połk».
«Ściahi «Bieśśmiarotnaha pałka» — u stalicy Respubliki Biełaruś horadzie-hieroi Minsku», — pachvaliłasia pasolstva Rasii ŭ Biełarusi.
Niahledziačy na zabaronu rasijskaj akcyi ŭ Biełarusi, rasijanie zdoleli jaje pravieści.
Na akcyju pryjšli rasijskija dypłamaty, prarasijskija aktyvisty.
«Sioleta da akcyi pamiaci ŭ stalicy Biełarusi taksama dałučyłasia delehacyja ź Nižaharodskaj vobłaści Rasijskaj Fiederacyi», — dadaje pasolstva RF.
Biełaruskija ŭłady nie dali rady rasijskaj prapahandzie. Ryhor Azaronak tolki i zmoh, što kidacca abrazami ŭ bok šarahovych prarasijskich aktyvistaŭ.
Tak, viciebskaja prarasijskaja aktyvistka Elvira Mirsalimava ŭ svaim telehram-kanale paskardziłasia, što padčas śviatkavańnia 9 maja ŭźnik kanflikt vakoł razdačy hieorhijeŭskich stužak, i apublikavała adpaviednaje videa. «U nas inšaja atrybutyka», — adkazała joj adna z žančyn na tyja stužki.
«Małajčyna, śvińnia. Sapsavała kankretnym ludziam śviata», — napisaŭ pra Mirsalimavu Azaronak. I dadaŭ sarkastyčnaje «Patryjotka» ŭ dvukośsiach.
Ciapier čytajuć
Kudy ciapier jeduć vučycca biełaruskija studenty — top krain i tendencyj8
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7070
Kamientary
======
vielmi darečy charaktarystyčnaje vykazvańnie. Łukašysty-rusafiły (naprykład, staršynia CVK Karpienka) ŭžyvajuć u dačynieńni da samych zaŭziatych prychilnikaŭ russkoho mira aznačeńnie "patriot", "ultrapatriot", "črieźmiernyj patriotizm". To bok dla ich patryjot - nia važna jon radykalny ci ŭmierany - heta patryjot Rasii. I jany patryjoty Rasii.
Ułada Łukašenki - prosta farmalny kantrol i faktyčna mała što vyrašaje