ZŠA nie prymaje novyja mirnyja prapanovy Irana, zajaviŭ u Truth Social amierykanski prezident Donald Tramp.
«Ja tolki što aznajomiŭsia z adkazam tak zvanych «pradstaŭnikoŭ» Irana. Mnie heta nie padabajecca — HETA ABSALUTNA NIEPRYMALNA!», — napisaŭ jon.
Paźniej prezident ZŠA raskazaŭ Axios: «Mnie nie padabajecca ich list. Jon niedarečny. Mnie nie padabajecca ich adkaz». Adnak udavacca ŭ pryčyny svajoj reakcyi nie staŭ.
U Tehieranie tym časam zajavili, što reakcyja «tak zvanaha prezidenta ZŠA» na iranskuju mirnuju prapanovu dla ich «nie maje nijakaha značeńnia».
«U Iranie nichto nie raspracoŭvaje płany dla zadavalnieńnia Trampa. Pieramoŭnaja kamanda pavinna raspracoŭvać płany tolki ŭ intaresach naroda Irana, i kali Tramp hetym niezadavoleny, to, vierahodna, tak navat lepš», — raskazaŭ surazmoŭca ahienctva Tasnim.
Jon dadaŭ, što Tramp «naohuł nie lubić realnaść», tamu jon pastajanna cierpić parazy ad Irana.
ZŠA atrymali šmatstaronkavy iranski płan urehulavańnia kanfliktu praz Pakistan. Pa źviestkach The Wall Street Journal, Iran prapanavaŭ prystupić da dyjałohu pa svajoj jadziernaj prahramie, pieramovy pavinny praciahvacca na praciahu miesiaca. Pakul, vynikała ź iranskaj inicyjatyvy, dapuskajecca paetapnaje adkryćcio Armuzskaha praliva dla handlovych sudnaŭ u abmien na źniaćcie amierykanskaj błakady iranskich partoŭ.
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu20
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary
- Skorieje. vytaskivajtie mienia otsiuda!