Daśledčyki abvierhli papularnaje mierkavańnie pra efiekt haryzantalnych ci viertykalnych pałosak na adzieńni
Udzielnikam pakazvali fatahrafii žančyn u adzieńni z roznymi pałoskami i prasili acanić, nakolki zhrabnymi jany vyhladajuć.
Jašče ŭ XIX — pačatku XX stahodździaŭ žanočaje adzieńnie časta madelavałasia takim čynam, kab nadać siłuetu bolš vytančanaści i rostu z dapamohaj viertykalnych linij. Daśledčyki z Nacyjanalnaha ŭniviersiteta navuki i technałohij Juńliń (Tajvań) abvierhli hety tradycyjny pohlad z dapamohaj ekśpierymientu.
Jak raskazvaje Daily Mail, navukoŭcy praviali maštabny ekśpierymient z udziełam 241 studenta. Udzielnikam pakazvali fatahrafii žančyn u adzieńni z roznymi pałoskami i prasili acanić, nakolki strojnymi jany vyhladajuć. Ekśpierymient składaŭsia z troch etapaŭ: spačatku demanstravałasia adzieńnie z haryzantalnymi pałoskami, zatym — ź viertykalnymi, a na finalnym etapie abodva varyjanty paraŭnoŭvalisia pamiž saboj.
Vyniki pakazali, što na ŭsprymańnie fihury ŭpłyvajuć try faktary: kirunak pałosak, ich typ i intervał pamiž imi. U cełym najbolš vyjhryšnym varyjantam byli pryznany topy i sukienki ź vielmi tonkimi haryzantalnymi pałoskami (tak zvanymi «ałoŭkavymi» — pencil stripe).
Aŭtary daśledavańnia tłumačać heta asablivaściami optyki: kali dvuchmiernyja linii nanosiacca na trochmiernuju formu cieła, jany stvarajuć iluzii, jakija mohuć istotna źmianiać vizualnaje ŭsprymańnie pamieraŭ.
Razam z tym navukoŭcy dadajuć, što nie ŭsie viertykalnyja linii škodziać fihury — raŭnamierna raźmierkavanyja pałoski taksama mohuć mieć efiekt strojnaści.
Akramia ekśpierymientu, kamanda praanalizavała kala 37 000 histaryčnych vyjaŭ adzieńnia, pačynajučy z 1869 hoda. Heta dazvoliła vyjavić, što moda na pałoski i inšyja prynty cykličnaja: papularnaść peŭnych fasonaŭ uzdymajecca i padaje prykładna kožnyja 20 hadoŭ. Jak adznačajuć aŭtary, heta adbyvajecca tamu, što modnaja industryja zaŭsiody imkniecca stvaryć niešta adroznaje ad taho, što było papularnym u niadaŭnim minułym.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary
a-la turemnaja roba