Vybary ŭ Kaardynacyjnuju radu IV sklikańnia projduć 11—17 traŭnia.
Jany pavinny byli pačacca ŭžo hetaj nočču, ale paśla publikacyi «Našaj Nivy» z pytańniami i aściarohaj, jakija jość da kampanii, što budzie apracoŭvać pašparty ŭdzielnikaŭ hałasavańnia, vyrašana było nienadoŭha adkłaści praces, kab pierakanacca ŭ biaśpiecy pracedury.
Vybary pačnucca 11 traŭnia a 22.00 pa minskim časie.
Pavieł Libier na ekstrannym pasiadžeńni prakamientavaŭ asnoŭnyja pretenzii da kampanii, što budzie apracoŭvać pašparty ŭdzielnikaŭ hałasavańnia.
«Status kampanii: Sumsub — nie nišavy hulec, a suśvietny lidar, što dva hady zapar paćviardžaje aŭtarytetnaje ahienctva Gartner. Siarod 4000 klijentaŭ servisu — takija hihanty, jak Vodafone, Duolingo i TransferGo.
Biaśpieka danych: Kampanija maje najvyšejšyja siertyfikaty standartaŭ biaśpieki i pracuje pavodle jeŭrapiejskich patrabavańniaŭ GDPR. Usie danyja zachoŭvajucca na siervierach u Hiermanii. Sumsub taksama supracoŭničaje ź Interpałam u pytańniach daśledavańniaŭ i treninhaŭ.
Incydenty z uciečkami: U kampanii byli dva incydenty, źviazanyja z uciečkaj danych, jakija jana samastojna i naŭmysna apubličyła. Pieršy vypadak tyčyŭsia tolki słužby padtrymki partnioraŭ i nie zakranuŭ bijamietryju ci pašparty. Druhi byŭ vyklikany pamyłkaj samoha partniora, jaki vykłaŭ kluč dostupu ŭ publičnuju prastoru, što nie źjaŭlajecca chibaj sistemy Sumsub.
Pachodžańnie ŭłaśnikaŭ: Zasnavalniki kampanii naradzilisia ŭ Rasii i majuć izrailskija pašparty. Jany nie žyvuć u RF bolš za 7 hadoŭ i paśla pačatku poŭnamaštabnaj vajny całkam admovilisia ad vykarystańnia rasijskaha i biełaruskaha softu».
Start vybaraŭ adkłali na 22 hadziny paźniej, kab zaviaršyć techničny prahon razam ź siabrami kamisii i harantavać biezdakornuju pracu sistemy.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary