U Smalavičach adkryli adździaleńnie banka, jakoje pracuje adzin dzień na tydzień
U čym padvoch?
Maładaja mama z Smalavič padzialiłasia ŭ Treds zdymkam z režymam pracy adździaleńnia MTBanka.
«Adkryli MTBank. Jak vam hrafik pracy?» — napisała dziaŭčyna i dadała dva foty z raskładam.
Pracuje adździaleńnie tolki pa čaćviarhach z 10 da 18 hadzin ź pierapynkam na abied z 13:00 da 13:30.
Kamientatary adrazu pačali kpić z takoha raskładu i nazyvać heta miesca pracaj mary. «Hrafik, na jaki ja spadziajusia pry pošuku vakansij», «Abied usiaho paŭhadziny — rabskija ŭmovy pracy», «Hučyć jak praca mary», — žartujuć karystalniki.
Na dopis chutka adkazali z bankaŭskaha akaŭnta ŭ Treds i patłumačyli situacyju.
«My adkryvajem APM (addalenyja pracoŭnyja miescy) u nievialikich nasielenych punktach z kłopatam pra našych klijentaŭ. U takim kampaktnym mini-ofisie možna chutka aformić kredyt, kartu, zrabić układ i inšaje biez straty času i srodkaŭ na pajezdku ŭ abłasny centr», — tłumačyć MTBank.
Z pracaj mary nie ŭsio tak adnaznačna
Adzin z kamientataraŭ adznačyŭ, što na samoj spravie heta daloka nie praca mary.
«Toj čałaviek, jaki pryjazdžaje siudy na hety dzień, vierahodna, pracuje jak «mabilny śpiecyjalist», tamu praca daloka nie mary, kali ty za tydzień abjazdžaješ maleńkija miastečki ŭ akruzie», — napisaŭ mužčyna.
Takim čynam bank ekanomić hrošy na adkryćci paŭnavartasnaha adździaleńnia, jakoje budzie pracavać 5/2, što moža być niavyhadna praz mały patok klijentaŭ. A žychary nievialikich nasielenych punktaŭ atrymlivajuć mahčymaść praz padobnyja kropki raz na tydzień vyrašać pytańni, jakija niemahčyma vyrašyć anłajn, nie vyjazdžajučy ŭ najbližejšy bujny horad.
Chutčej za ŭsio, zadumvajecca, što śpiecyjalist pracuje pa takim hrafiku: u paniadziełak — u adnym haradku, u aŭtorak — u inšym, u sieradu — u trecim.
Praŭda, pakul što smalavickamu bankaŭskamu rabotniku niama kudy jechać na pracu ŭ inšyja dni. Inšych padobnych punktaŭ MTBank pakul nie adkryvaŭ.
Na sajcie MTBanka paznačana, što ŭ banka ahułam jość 17 «addalenych pracoŭnych miescaŭ» pa ŭsioj krainie, ale ŭsie jany adkrytyja pa zvykłym hrafiku — piać-šeść dzion na tydzień.
-
U Biełarusi pačałasia treniroŭka vajskovymi čaściami bajavoha prymianieńnia jadziernaj zbroi. U joj udzielničajuć rasijanie
-
Na fiermie ŭ Słonimskim rajonie rabotniki ź Niepała śpievami sustrakali Karajeva VIDEA
-
Papularnuju vizažystku z Hrodna asudzili da piaci z pałovaj hadoŭ kałonii pa vaśmi palityčnych artykułach
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar1
Kamientary