Mary-Łuizie Eta — pieršaja žančyna-trenier, jakaja vyjhrała matč Bundeślihi
Bierlinski «Unijon» vyjhraŭ u «Majnca» ź likam 3:1.
Mary-Łuizie Eta atrymała svaju pieršuju pieramohu na čale «Unijona». Učora «Unijon» zdabyŭ pieršuju pieramohu pad kiraŭnictvam žančyny-treniera.
Matč suprać «Majnca» ŭ 33‑m tury Bundeślihi staŭ dla Mary-Łuizie Ety čaćviortym na čale kamandy. Bierlincy pieramahli ź likam 3:1 dziakujučy hałam na 88‑j i 91‑j chvilinach.
U troch papiarednich matčach «Unijon» paciarpieŭ dźvie parazy i raz zhulaŭ uničyju.
Za tur da finišu bierlincy zajmajuć 12‑y radok u futbolnym čempijanacie z 36 bałami i harantavali sabie miesca ŭ Bundeślizie na nastupny siezon.
Try apošnija miescy z 26 bałami zajmajuć «Volfsburh», «Sankt-Paŭli» i ŭ apošnim tury vyrašać, chto napramuju pakinie elitny dyvizion, a chto budzie hulać u stykavych matčach. Pryčym «Sankt-Paŭli» i «Volfsburh» zhulajuć u apošnim tury pamiž saboj.
Mary-Łuizie Etu pryznačyli v.a. hałoŭnaha treniera «Unijona» ŭ pačatku krasavika paśla zvalnieńnia Štefana Baŭmharta. Va «Unijonie» jana ŭžo pracavała pamočnikam treniera ŭ 2023 hodzie.
Heta pieršy vypadak pryznačeńnia žančyny na pasadu hałoŭnaha treniera ŭ čempijanatach top-piaci jeŭrapiejskich futbolnych krain (Anhlija, Hiermanija, Ispanija, Italija i Francyja).
Mary-Łuizie stavili zadaču zachavać «Unijon» u Bundeślizie.
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary