Siłaviki palujuć na dyryžoraŭ. Zatrymanaja jašče adna — Taćciana Hałuza
Zatrymanaja Taćciana Hałuza, vykładčyca Minskaha dziaržaŭnaha kaledža mastactvaŭ. Jana charavy dyryžor, vučanica prafiesara Roŭdy.
Zatrymańnie adbyłosia 2 listapada kala 23:40 u a.h. Lasny, Baraŭlanski sielsaviet, kala mahazina Hipa na vuł. Alaksandrava. U momant zatrymańnia Taćciana była z mužam. Muža nie ŭziali.
Supracoŭniki ŭ cyvilnym dastavili jaje ŭ Baraŭlanski adździeł milicyi. Praz paŭhadziny da adździeła pryjechaŭ bus z AMAPam i źvioz Taćcianu ŭ nieviadomym napramku. Na pytańnie muža «Kudy vieziacie?», nie skazali ničoha, začyniŭšy dźviery.
Taćciana — maci dvaich niepaŭnaletnich dziaciej (7 i 11 hod).
Raniej była zatrymanaja inšaja dyryžor — Halina Kazimiroŭskaja.
Mahčyma, zatrymańni dyryžoraŭ źviazanyja z palavańniem na «latučyja chary». Hetyja fienamienalnyja kalektyvy vykonvajuć biełaruskija pieśni — «Mahutny Boža», «Pahoniu», «Kupalinku», «My vyjdziem ščylnymi radami», «Razbury turmy mury» dy inšyja — u samych niečakanych miescach: handlovych centrach, Nacyjanalnaj biblijatecy.
Pasłuchać, jak latučyja chary śpiavajuć možna
tut (u HC «Halereja», śpiavajuć try pavierchi),
tut («Razbury turmy mury»), i tut kala Cyrka («Razbury turmy mury»),
tut «My vyjdziem ščylnymi radami»,
Łukašenkaŭcy viaduć zmahańnie ź luboj niekantralavanaj publičnaj aktyŭnaściu, u tym liku i kulturnaj. Było šmat vypadkaŭ zatrymańnia aŭtaraŭ hrafici, płakataŭ, a taksama ludziej, jakija źnialisia ŭ pratesnych videaklipach.
Usiaho za čas pratestaŭ suprać falsifikacyj i pryhniotu zatrymana bolš za 16 600 čałaviek, zaviedziena amal 700 kryminalnych spraŭ. Nivodnaja kraina Jeŭropy nie viedała takich maštabnych palityčnych represij za apošnija 40 hadoŭ.
Vystupy «latučych charoŭ» u maskach zastanucca ŭ historyi kultury Jeŭropy jak unikalny fienomien. Dyryžory taksama kirujuć śpievami ŭ maskach, kapiušonach, inkohnita.
-
Polskaja daślednica biełaruskaj identyčnaści maryć pra pomnik «kułaku» ŭ Minsku i čakaje, kali Biełaruś znoŭ adkryjecca śvietu
-
Biełarus, jaki adsiadzieŭ u Tambovie, zavis miž niebam i ziamloj — Rasija choča departavać, a Biełaruś pytajecca: chto heta?
-
Mama studentki-vydatnicy raskazała pra vydatki na vypuskny
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud32
Kamientary