Prezident Francyi Emaniuel Makron, jaki znachodzicca ź vizitam u Litvie, ranicaj sustreŭsia ź lidaram biełaruskaj apazicyi Śviatłanaj Cichanoŭskaj, piša Delfi.lt.
Cichanoŭskaja atrymała abiacańnie dapamohi ŭ imknieńni da pieramovaŭ pa ŭrehulavańni palityčnaha kryzisu i vyzvaleńni palityčnych viaźniaŭ.
«Jon paabiacaŭ nam zrabić usio, kab dapamahčy ŭ pieramovach [pa vyrašeńni] palityčnaha kryzisu ŭ našaj krainie», — skazała žurnalistam u aŭtorak Cichanoŭskaja.
Jak paviedamiła ŭ aŭtorak pres-sakratarka Cichanoŭskaj Hanna Krasulina, na sustrečy z kiraŭnikom Francyi pavinna była abmiarkoŭvacca asnoŭnaja tema — mahčymaść arhanizavać pieramovy ab praviadzieńni novych prezidenckich vybaraŭ u Biełarusi i mahčymym pasiarednictvie inšych krain, siarod ich i Francyi.
Ministr zamiežnych spravaŭ Litvy Linas Linkiavičus nastupnym čynam prakamientavaŭ sustreču Cichanoŭskaj i Makrona.
«Sam fakt sustrečy pasyłaje vyrazny mesiedž i śviedčyć pra padtrymku hramadzianskaj supolnaści Biełarusi, padtrymku apazicyi. Zajava Makrona, što Łukašenka musić pakinuć pasadu, taksama śviedčyć pra vielmi vyraznuju pazicyju», — zajaviŭ Linas Linkiavičus.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek3
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary