12 tysiač čałaviek ejfaryčna sustreli Cichanoŭskuju ŭ Hrodnie VIDEA, FOTA
Tysiačy ludziej sabralisia ŭ Kałožski park na sustreču sa Śviatłanaj Cichanoŭskaj z vybarcami 1 žniŭnia.
Cichanoŭskaja ŭ Hrodnie FOTAREPARTAŽ
Zirnicie na karotkim videa, kolki ludziej było na placoŭcy za 15 chvilin da pačatku mitynhu.
Vakoł sceny staić achova ź miascovych baksioraŭ-vałancioraŭ.
A heta ludzi skandujuć «Žyvie Biełaruś!»:
Karespandenty «Našaj Nivy» sočać za padziejami na miescy. Uličycie, što fota i videa buduć źjaŭlacca sa spaźnieńniem. Ad taho, što ludziej vielmi šmat, internet na miescy pracuje słaba.
Voś videastrymy ź miesca padziej, jany taksama mohuć hłuchnuć, vybirajcie toj, jaki ciahnie najlepš:
Ludzi iduć u Kałožski park cełymi hrupami, pieradaje karespandent NN ź miesca padziej. Voś videa:
Kala sceny zaŭvažany čałaviek z partretam dziejnaha kiraŭnika dziaržavy. Jon skazaŭ karespnadentam, što pryjšoŭ, kab pakazać, što rejtynh kiraŭnika dziaržavy bolšy za 3%:
«Svaboda» paviedamiła, što Śviatłanu Cichanoŭskuju na šlachu da mitynhu spyniaje DAI, zapavolvajučy jaje ruch. Jaje čakajuć a 13-j. Dajechać na mašynie nie ŭdałosia, Cichanoŭskaja išła pieški. «Ničoha, ruch — heta žyćcio», — žartuje Śviatłana.
Udzielniki mitynhu zładzili Cichanoŭskaj «čempijonski kalidor» na šlachu da sceny. Jaje vitali vokličami «Žyvie Biełaruś!» i skandavańniem «Śvieta!», hučała pieśnia «Mury». Hladzicie karotkaje videa:
Śviatłana pačała vystup pa-biełarusku. «Mnie vielmi padabajecca Harodnia. Heta horad karaloŭ», — skazała jana.
Newgrodno.by apublikavała videa mitynhu z vyšyni:
Haradzieniec z małym synam raskazaŭ, čamu pryjšoŭ na sustreču:
Sustreča ŭ Kałožskim parku ŭ Hrodnie — častka «zachodniaha turne» kandydatki ŭ prezidenty Śviatłany Cichanoŭskaj.
Siońnia ž Cichanoŭskaja naviedaje Vaŭkavysk (sustreča pryznačanaja na 15.30 na aŭtastajancy na nabiarežnaj pa vulicy Marksa) i Słonim (19.00, stadyjon «Dynama»).
A zaŭtra jaje čakajuć Baranavičy (10.00 — Park kultury i adpačynku imia 30-hodździa VŁKSM (Małady park) pa vuł. Kamsamolskaja) i Brest (park Voinaŭ-internacyjanalistaŭ na vulicy Maskoŭskaj a 14-j).
Pieršyja sustrečy z vybarcami Hrodzienščyny prajšli ŭčora ŭ Lidzie i Smarhoni.
Kamientary