Zdaroŭje staršyni Dziaržsavieta KNDR Kim Čen Yna pahoršyłasia paśla pieraniesienaj im apieracyi. ZŠA vyvučajuć vyviedvalnyja źviestki pra jaho stan, paviedamlaje telekanał CNN sa spasyłkaj na krynicu ŭ amierykanskaj administracyi.
Pavodle jaho, paŭnočnakarejski lidar 15 krasavika ŭpieršyniu za doŭhija hady prapuściŭ uračystuju cyrymoniju z udziełam pradstaŭnikoŭ kiraŭnictva krainy z nahody hadaviny z dnia naradžeńnia Kim Ir Siena. Apošni raz jon źjaŭlaŭsia na publicy 11 krasavika na pasiadžeńni Palitbiuro CK Pracoŭnaj partyi Karei pa pytańniach unutranaj palityki.
Krynica telekanała śćviardžaje, što źviestki pra stan zdaroŭja adsočvaje amierykanskaja raźviedka. Zhodna ź jaje infarmacyjaj, zdaroŭju lidara KNDR moža pahražać surjoznaja niebiaśpieka, jon pad nahladam lekaraŭ. Inšyja padrabiaznaści nie raskryvajucca.
Kamientary