Błohier MozgON atrymaŭ zavočna 15 sutak za zakliki da akcyi kala «Biełnaftachima»
Błohier Uładzimir Cyhanovič, jaki viadzie youtube-kanał MozgOn, zavočna byŭ asudžany na 15 sutak aryštu za zakliki ŭ internecie da ŭdziełu ŭ niesankcyjanavanym masavym mierapryjemstvie, paviedamlaje spring96.org
Hutarka idzie pra sustreču-mitynh kala budynka «Biełnaftachima» u Minsku, jakaja prajšła 25 lutaha. Napiaredadni Uładzimir Cyhanovič zaklikaŭ pryjści tudy ŭsich, kaho niepakoić pastajannaje pavyšeńnie koštaŭ na paliva, i zadać pytańni na hety kont kiraŭnictvu kancerna, što ŭ vyniku atrymałasia. Na sustreču pryjšło niekalki dziasiatkaŭ čałaviek.
Jak stała viadoma pravaabaroncam, nieŭzabavie błohier atrymaŭ pratakoł pa č. 3 art. 23.34 KaAP. Jaho abvinavačvali ŭ tym, što jon 24 lutaha ŭ svaim telehram-kanale zaklikaŭ ludziej pryjści da «Biełnaftachimu» biez dazvołu Minharvykankamu. Sud pa hetaj spravie pryznačyli na 12 sakavika.
Kali paplečniki Uładzimira pryjšli ŭ sud Maskoŭskaha rajona Minska, dzie musiŭ adbycca razhlad spravy, to daviedalisia, što na toj dzień byli pryznačany ažno dva administracyjnyja pracesy ŭ dačynieńni da błohiera. Pryčym adzin, jaki viała sudździa Taćciana Motyl, užo skončyŭsia. Jak udakładniŭ «Viaśnie» aŭtar kanała «DrimDim», pieršy sud chutčej za ŭsio datyčyŭsia zaklikaŭ da inšaj akcyi — na MKAD. Ale vyniki hetaha suda pakul zastalisia nieviadomymi.
Druhi sud — za «Biełnaftachim» — prajšoŭ vielmi chutka. Sudździa Lidzija Cielica vyniesła rašeńnie pakarać Uładzimira Cyhanoviča aryštam na 15 sutak. Termin aryštu budzie ličycca z momantu zatrymańnia.
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu5
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami4545
Kamientary