Były prezident Ukrainy Viktar Janukovič vystupiŭ sa zvarotam da suajčyńnikaŭ u suviazi z šostaj hadavinaj rasstrełaŭ na Majdanie. Tekst apublikavaŭ u fejsbuku jahony advakat Vital Siardziuk.
U zajavie Janukoviča havorycca, što masavyja zabojstvy ŭ centry Kijeva stali «kulminacyjaj baraćby za «śvietłuju» budučyniu». Dla bolšaści ŭkraincaŭ pratesty na Majdanie abiarnulisia strašnaj trahiedyjaj, jakaja adkryła čornuju staronku ŭ historyi krainy. Lidary dziaržaŭnaha pieravarotu «pačali kryvavy šlach na Majdanie» i «pieranieśli jaho na Danbas», śćviardžaje Janukovič.
Majdan praciahvaje padzialać Ukrainu: hramadzianie, nie zhodnyja ź pieravarotam, apynulisia čužymi va ŭłasnaj krainie, śćviardžaje biehły kiraŭnik. Radykały prysvoili sabie manapoliju na praŭdu. Pakazalnyja sudy nad niazhodnymi stali normaj. Ekanomika razburana, narod kinuli ŭ haleču, upeŭnieny Janukovič.
Pry hetym pieršyja kroki novaha prezidenta Uładzimira Zialenskaha dajuć nadzieju na mir, spraviadlivaść i ŭstalavańnie stabilnaści, zajaviŭ Janukovič.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary