Prezident Levits: Usie žychary Łatvii abaviazany viedać i vykarystoŭvać dziaržaŭnuju movu
Usie žychary Łatvii, zychodziačy sa statusu dziaržaŭnaj movy, abaviazany viedać i vykarystoŭvać jaje, padkreśliŭ prezident Łatvii Ehił Levits u aŭtorak na prezientacyi dziasiataha toma knihi «Mova i dziaržava», piša Delfi.
Palityk zajaviŭ, što, pavodle statystyki, adsotak ludziej, jakija vykarystoŭvajuć dziaržaŭnuju (łatvijskuju) mova, za apošnija 20 hadoŭ nie zanadta pavialičyŭsia. Prezident dadaŭ, što heta davoli niezvyčajna dla krainy, dzie dziaržaŭnaja mova źjaŭlajecca rodnaj dla 60,5-62% nasielnictva.
Prezident vykazaŭ pierakanańnie, što kali b nie było łatyšskaj movy, kali b u druhoj pałovie XIX stahodździa ŭ haradach i ŭ asiarodździ intelihiencyi łatyšskaja mova była zamieniena niamieckaj, naŭrad ci zaraz isnavała b Łatvijskaja dziaržava.
«Łatyšskaja mova źjaŭlajecca krynicaj, a taksama kazualnaj pryčynaj, jakaja pryviała da ŭtvareńnia Łatvijskaj dziaržavy», — skazaŭ Levits.
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili31
Kamientary