Novy vitok handlovaj vajny miž ZŠA i Kitajem moža mieć nastupstvy dla ŭsiaho śvietu
ZŠA padniali myty na kitajskija tavary ahulnym abjomam bolš za 200 młrd dalaraŭ.
Myty padnialisia z 10% da 25%. Piekin abiacaje adkazać tym ža.
Jašče niadaŭna Kitaj i Amieryka, zdavałasia, blizkija da novaj handlovaj damovy. Kali stała jasna, što prezident Tramp nie nastrojeny bolš čakać i hatovy padvysić myty, indeks kitajskaj biržy ŭpaŭ na 7% za tydzień.
Pad novyja amierykanskija taryfy trapili ryba, skurhałantereja, adzieńnie i abutak.
Raniejšaje pavyšeńnie mytaŭ amierykanskim bokam na inšyja hrupy tavaraŭ nie pryviało da źnižeńnia deficytu ŭ handli ZŠA z Kitajem. Adnak Tramp hatovy iści dalej i vyznačyŭ jašče adnu hrupu tavaraŭ, na 325 miljardaŭ dalaraŭ.
Pieramovy pra handal praciahvajucca, ich viaduć kitajski vice-premjer Lu Hie, handlovy pradstaŭnik ZŠA Robiert Łajthajzer i ministr handlu ZŠA Styvien Mnučyn.
Rost pratekcyjanizmu ŭ śviecie moža pryvieści da źnižeńnia abjomaŭ mižnarodnaha handlu. Najbolš heta ŭdaryć pa Kitai, adnak da novaj situacyi niaprosta budzie prystasavacca mnohim krainam.
Złučanyja Štaty niepakoić vializny deficyt u handli z Kitajem i rost mahutnaści hetaj krainy ŭvohule.
Ciapier čytajuć
Ułady Hrodna paviedamili pra vychad z ładu liŭnioŭki pad udaram stychii1
Kamientary