Sotni ludziej iznoŭ prajšli šeściem u Breście, niahledziačy na aryšty. Ludziej zatrymlivali na vulicach, ich adbivali VIDEA
14 krasavika ŭ Breście na centralnaj płoščy horada znoŭ sabralisia praciŭniki budaŭnictva akumulatarnaha zavoda. Ich pratest, jaki pačynaŭsia jak ekałahičny, nabyvaje palityčny charaktar.
Ludzi trymajucca raniejšaj formy pratestu: jany źbirajucca na centralnaj płoščy horada — płoščy Lenina — karmić hałuboŭ. A paśla iduć centralnymi vulicami — Puškinskaja i Savieckaj.
Na minułych vychadnych ułady zatrymlivali tych, chto vychodziŭ na pratest z žoŭtymi šarykami, tamu ciapier z šarykami vyjści navažylisia niamnohija.
Voś videa:
Siońnia pierad sabranymi vystupiŭ žychar Bresta Aleś Ablak. Jon raskazaŭ pra situacyju ŭ Kurapatach pad Minskam. Tam, na miescy pachavańnia achviar savieckaha režymu, byli źniesienyja bolš za 80 kryžoŭ.
Kala 30 nieviadomych u cyvilnym z navušnikami i videarehistratarami zatrymali lidaraŭ pratestu Dźmitryja Biekaluka, Alaksandra Kabanava.
Napiaredadni pratestu zatrymali jašče 9 žycharoŭ horada.
Zatrymańni praciahvalisia padčas ruchu ludziej, pryčym žychary horada vyryvali i adbivali zatrymanych z ruk ludziej u cyvilnym.
Kamientary