Adznačajučy 95‑hodździe Uładzimira Karatkieviča, jaki naradziŭsia 26 listapada 1930 hoda, Fond Kamunikat.org padrychtavaŭ u druk «Kałasy pad siarpom tvaim».
«Kałasy pad siarpom tvaim» heta hłyboki i pa-majstersku skrojeny vialiki histaryčny raman. Ale siońnia asoba piśmieńnika nie mieniej važnaja dla nas za pavaroty siužetu. I kali my biarom u ruki knihu — my chočam čuć hołas aŭtara biez šorhatu cenzarskaha ałoŭka», — tłumačać važnaść prajektu vydaŭcy.
Za miežami Biełarusi raman pa-biełarusku vychodzić upieršyniu. U hetym vydańni publikujecca mienavita toj tekst, za jaki aŭtar zmahaŭsia pry žyćci, zdymajučy praŭki, zroblenyja dla vydańnia 1968 hodu.
«Aściarožna, kirujučysia tekstałahičnaj empatyjaj, my robim niekalki važnych kanjektur i tym vyzvalajem hołas piśmieńnika ad ideałahičnaha cisku. My viartajem asobnyja formy słovaŭ, što ŭ saviecki čas byli nieprymalnymi, a ciapier całkam zvykłyja — i akazvajecca, Karatkievič tak i pisaŭ! My adnaŭlajem aŭtacenzurnyja skaračeńni: pisaŭ raman čałaviek śmieły, a ŭ druk addavaŭ racyjanalny. Zabylisia imiony tych, chto rabiŭ z Karatkieviča ahulnaha — i ničyjnaha, vykreślivajučy z tekstu «Biełaruś», «biełarusaŭ», «Padniaproŭje» i «Raku». A słovy znoŭ zaniali naležnaje im miesca na staronkach», — raskryvajuć admietnaści vydańnia ŭ Fondzie Kamunikat.org.
Knihu «Kałasy pad siarpom tvaim» Uładzimira Karatkieviča možna zamović na sajcie Kamunikat.shop, vysyłka pa ŭsim śviecie paśla 15 studzienia 2026.
Kamientary