Vyjšła novaja kniha Alesia Biełaha

Bahata ilustravanyja i ŭdumliva napisanyja narysy pra 39 biełaruskich straŭ i praduktaŭ i 8 tradycyjnych napojaŭ — jadro ​​vydańnia. Słohan prajekta — «Ad historyi da papularnaha!» — pakazvaje na imknieńnie składalnikaŭ nie prosta likvidavać biełyja plamy hastranamičnaj kultury Biełarusi, ale i paznajomić čytačoŭ, u pieršuju čarhu ajčynnych i zamiežnych turystaŭ, z tymi miescami dzie napaŭzabytyja realii nacyjanalnaj kuchni viarnuli da žyćcia našy sučaśniki — restaratary, vytvorcy praduktaŭ, ŭładalniki ahrasiadzibaŭ. Aleś Bieły z hłybokim viedańniem pradmieta (na jaho rachunku nie adna kniha na hetu temu) raspaviadaje pra ŭpłyŭ palityčnych i ekanamičnych faktaraŭ na farmavańnie kulinarnych tradycyj našych prodkaŭ, ab ich roskvicie i zabyćci, i vykazvaje nadzieju na ich adradžeńnie. Dla taho, kab razburyć stereatypy pra «prymityŭnaści» biełaruskaj kuchni i viarnuć biełarusam pamiać pra kulinarnuju spadčynie ich prodkaŭ, i była napisana hetaja kniha, jakaja sabrała histaryčnyja fakty, recepty, spasyłki na sučasnyja restarany i ahrasiadziby, jakija adradžajuć i pieraasensoŭvajuć biełaruskuju kuchniu.

Abjom vydańnia — 230 staronak. Raździeły: «Zakuski», «Supy», «Haračyja stravy», «Ryba», «Mučnyja vyraby», «Desierty», «Napoi», «Spałučeńni», «Restarany», «Kramy», «Turystyčnyja kompleksy», «Ahrasiadziby», «Brendy». U knizie sabrany roznabakovy ilustracyjny materyjał, i histaryčny i sučasny, uklučajučy daścipnyja ilustracyi biełaruskich mastakoŭ i apietytnyja fota lepšych biełaruskich straŭ.

«Biełaruskaja kuchnia. Hastranamičny daviednik» stanie vydatnym padarunkam dla ŭsich, chto lubić i šanuje tradycyi, choča daviedacca pra Biełaruś ź nie zusim zvykłaha boku, šukaje miesca (u Minsku i pa ŭsioj krainie), dzie možna paznajomicca ​​z prykładami smačnaj tradycyi, pra jakuju tak natchniona i apietytna piša aŭtar. «Hetaja kniha, darečy, pieršaja dla mianie na ruskaj movie, — svojeasablivy vynik 20-hadovych vysiłkaŭ, bo pačaŭ surjozna zajmacca hetaj temaj ja ŭ dalokim užo 1999 h.» — kaža historyk. «Spadziajusia, što vychad daviednika zaachvocić vytvorcaŭ i hramadskaje charčavańnie jašče pilniej pryhledziecca ŭ nacyjanalnyja hastranamičnyja tradycyi i zrazumieć ich nievyčerpny patencyjał».

Vydańnie ŭžo pradstaŭlena ŭ kniharni «Akademkniha». U bližejšy čas źjavicca ŭ papularnych turystyčnych miescach i ŭ internet-kramie oz.by.

U dalejšym schiemu raspaŭsiudu možna ŭdakładnić pa telefonach: +375 29 632-44-40 i + 375 17 369 58 01 (vydaviectva «RieniessansPablišinh»)

• 0
• 0
• 0
• 0
• 0
• 0
• 0
• 0