Abvinavačany sprabavaŭ pierakanać sud źmiakčyć vinu, ale jamu nie ŭdałosia paźbiehnuć strohaj kary, pieradaje Śledčy kamitet.
Trahiedyja adbyłasia ŭ krasaviku ŭ Mahilovie. Niećviarozy 35‑hadovy mužčyna pačaŭ kanfliktavać sa svajoj 28‑hadovaj sužycielkaj, a potym staŭ źbivać žančynu, nanosiačy ŭdary pa roznych častkach cieła. Žančyna ad traŭmaŭ pamierła.
«Pieršapačatkovyja pakazańni mužčyny kardynalna razychodzilisia z dokazami. Jon śćviardžaŭ śledčym, što padčas svarki tym krasavickim viečaram daŭ sužycielcy tolki dźvie aplavuchi. Adnak ahlad miesca zdareńnia, uziatyja rečavyja dokazy, a taksama zaklučeńnie sudova-miedycynskaj ekśpiertyzy raspaviali inšuju, značna bolš strašnuju historyju.
Ekśpierty zafiksavali na ciele zahinułaj nie mienš za 10 traŭmatyčnych paškodžańniaŭ, jakija pryviali da ŭtvareńnia spałučanaj traŭmy hałavy, hrudnoj kletki i žyvata. Śmierć žančyny nastupiła ad traŭmatyčnaha šoku», — piša SK.
Śledčyja vyśvietlili, što mužčyna i raniej vykazvaŭ ahresiju ŭ dačynieńni da dziaŭčyny. U sakaviku, praz dva miesiacy paśla pačatku sumiesnaha pražyvańnia, jon u hnievie razarvaŭ jaje pašpart. Abvinavačany złoŭžyvaŭ śpirtnym, dvojčy byŭ žanaty. Pavodle słoŭ byłych žonak, jon prajaŭlaŭ hvałt, i heta ŭrešcie pryviało da razvodu.
U vyniku sud vynies prysud: mužčyna pryznany vinavatym u źniščeńni asabistych dakumientaŭ i zabojstvie z asablivaj žorstkaściu. Pakarańnie — 16 hadoŭ pazbaŭleńnia voli ŭ kałonii strohaha režymu.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary