Padobny da nadmahilla pamiatny znak u Niaśvižy zaźziaŭ novym blaskam
Miascovyja ŭłady pryniali miery pa aptymizacyi i ŭdaskanaleńni pomnika, pryśviečanaha Hodu biełaruskaj žančyny. Ale im nie ŭdałosia pravilna napisać słova «vobłaść».
U Niaśvižy 25 krasavika ŭračysta adkryli pamiatny znak u honar rabotnic žyllova-kamunalnaj haspadarki. Inicyjatyvu prymierkavali da abvieščanaha Alaksandram Łukašenkam Hoda biełaruskaj žančyny. Adnak vyhlad znaka vyklikaŭ krytyku. U sacsietkach jaho nazvali nadmahillem.
«Jašče hod žančyny nie skončyŭsia, a jany jaje ŭžo pachavali», «Paminki biełaruskaj žančyny», «Heta što, braterskaja (siastrynskaja) mahiła žančyn ŽKH? Niejak strašna zrabiłasia» — voś tolki niekatoryja kamientary z sacsietak.
Asabliva razdražniała ludziej, što znak pastavili na terytoryi histaryčna-kulturnaha muzieja-zapaviednika — u značnym dla historyi Biełarusi miescy, kala pryhožaha pałaca Radziviłaŭ i šedeŭra baroka — Kaścioła Božaha Cieła.
Ludzi pabačyli ŭ hetym znak nie «hoda žančyny», a dehradacyi biełaruskaj kultury i estetyčnaha hustu pry łukašyźmie, kali majstry mastactvaŭ adchilenyja ad pryniaćcia rašeńniaŭ.
I voś 2 maja ŭ sacyjalnych sietkach źjaviłasia fota: pomnik nakryli mietaličnym listom. Taki materyjał byŭ papularny ŭ poźniesaviecki čas i vykarystoŭvaŭsia na pravincyjnych pomnikach. Ale nie pryžyŭsia, bo chutka pakryvaŭsia ržoju.
Treba skazać, što i sproba 2 vyjšła nie biez prablem: aŭtary nie sumieli pravilna napisać pa-rusku słova «vobłaść». Napisali: «obłosť».
Jak pomnik vam ciapier? Pišycie ŭ kamientach. Pamiatajcie, što jany ananimnyja.
«Naša Niva» — bastyjon biełaruščyny
PADTRYMAĆCiapier čytajuć
Były palitviazień znajšoŭ u Vilni padpracoŭku ŭ čacie — i trapiŭ pad kryminałku za pravakacyi suprać Ukrainy13
Kamientary
Ale vajb mohiłak nidzie nie dzieŭsia, ruka majstra adčuvajecca :))